PARIS - Ligue I në Francë nisi të premten me raundin e 18-të. Në "Parkun e Princave" në Paris, vendasit e PSG-së fituan 3-0 kundër Lille në një ndeshje me shumë raste. Pas eliminimit nga Paris FC në raundin e 1/16-ave në Kupën e Francës, PSG ia ka dalë të rikthehet te fitorja.

Kapiteni dhe veterani i Lille, Olivier Giroud, goditi dy herë shtyllën në minutat e para të ndeshjes. Pas këtij momenti PSG reagoi dhe gjeti golin e parë në minutën e 13-të me Ousmane Dembele. 'Topi i Artë' mori një pasim nga Vitinha dhe me të majtën nga jashtë zone e ndali sferën në rrjetë. Pjesa e parë u mbyll 1-0 për PSG, teksa edhe fraksioni i dytë kishte "vals të njëjtë".

Në minutën e 64-t Dembele dhuroi një gol fantastik, pasi dribloi disa mbrojtës dhe nga afro 11 metra largësi me horizontin e bllokuar, e kaloi sferën me parabol mbi portierin Ozer për rezultatin 2-0.

Në shtesën e tretë Bradley Barcola shënoi edhe golin e tretë për PSG-në dhe me 42 pikë ekipi i Luis Enriques merr për momentin kreun e Ligue I, dy pikë më shumë se Lens, por këta të fundit luajnë sot kundër Auxerre dhe mund të rikthehen në komandë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Janar, 18:35

    Arratisja e Ndocit, mendoni se Burgjet kanë standardet e duhura të sigurisë?

Lajme të tjera