La Liga e futbollit në Spanjë është në javën e 10-të. Gjithçka filloi në mesditën e së shtunës, me Real Sociedadin që mundi 1-0 Mallorcan. Në Madrid, Getafe dhe Betis barazuan 1-1.

Në ndeshjen më të rëndësishme të ditës, Sevilla ndali në barazim 1-1 Realin e Madridit. Në "Ramon Sanchez Pizjuan" dueli ishte i luftuar, ndërsa pjesa e dytë dhuroi emocione të mëdha. Real Madrid dha shkëndijat e para që në të katërtën minutë, me VAR që i anulloi golin Valverdes.

Fundi i ndeshjes ishte emocionues, me Alaba që shënoi në portën e tij, për t'i dhënë avantazhin 1-0 Sevillas. Vetëm tre minuta më vonë, në të 78 minutë ishte Carvajal që përfitoi nga pasimi i Kross dhe vendosi ekuilibrat.

Nuk mund të mungonte sherri në këtë përballje, me Sergio Ramos që u përplas me ish-shokët e tij. Ish-kapiteni i Real e nisi ndeshjen nga minuta e parë dhe u ndëshkua me karton të verdhë në të 76 minutë.

Me këtë barazim, Galaktikët shkojnë në kuotën e 25 pikëve në vendin e parë, tre pikë më shumë se Girona. Sevilla me nëntë pikë shkon në vendin e 13-të.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si e menaxhoi qeveria situatën e përmbytjeve?

Lajme të tjera