Liverpooli u befasua të dielën në shtëpi duke u ndalur në barazimin 1-1 nga Tottenhami, sfidë e cila ishte përmbyllëse për raundin e 30-të në Premier Leaguen angleze të futbollit.

Minutat e para folën për të kuqtë e Arne Slot, me hungarezin Dominik Szoboszlai që kaloi Liverpoolin në epërsi pas 18 minutash lojë me një supergol nga goditja e dënimit. Pjesa e parë u mbyll me avantazhin e Liverpoolit, paçka se Spurs kishin disa raste të pastra për shënim.

Fraksioni i dytë i ndeshjes prodhoi një lojë të bukur, por vetëm në minutën e fundit, atë të 90-të, Tottenhami ia doli të barazonte me Richarlison. Kolo Muani përfitoi nga hezitimi i prapavijës vendase dhe pasoi bukur për brazilianin, i cili me të djathtë mposhti bashkëkombasin Alisson.

Me këtë barazim Liverpooli ngjitet në vendin e pestë të renditjes me 49 pikë, dy më pak se Aston Villa që për momentin gjendet në zonën Champions. Nga ana tjetër Tottenhami me 30 pikë e sheh veten në vendin e 16-të, vetëm një pikë mbi zonën e ftohtë. Spurs kanë 12 ndeshje radhazi pa fitore në kampionat, ndërsa tri pikëshi i fundit është siguruar më 28 dhjetor 2025, në fitoren 0-1 kundër Crystal Palace. Pika e djeshme kundër Liverpoolit ishte e para e Igor Tudor si trajneri i Tottenhamit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Prill, 21:24

    A duhet që seancat në GJKKO të transmetohen live për publikun?

Lajme të tjera