Mallorca dhe Atletico Madrid ndanë pikët pas një barazimi 1-1 në ndeshjen e javës së pestë të La Ligas, takim i zhvilluar në ishull dhe i mbushur me emocione.

Atletico humbi shansin ideal për të kaluar në avantazh në pjesën e parë, kur Julian Alvarez dështoi nga pika e bardhë e 11 metërshit. Nga minuta e 73-të, madrilenët mbetën me një lojtar më pak, por gjithsesi gjetën golin në minutën e 79-të me Conor Gallagher.

Mallorca reagoi menjëherë në minutën e 85-të me Vedat Muriqin, teksa sulmuesi kërceu më lart se të gjithë në zonë, duke shënuar me një goditje të fuqishme me kokë përballë Jan Oblak. Ky ishte goli i katërt sezonal për sulmuesin e Kosovës, i cili ka realizuar tashmë kundër Real Madridit dhe dy herë ndaj Espanyolit. Aktualisht, vetëm Kylian Mbappe ka më shumë gola në kampionat (pesë).

Muriqi e zhvilloi të gjithë ndeshjen si titullar, duke u vlerësuar me notën 7.4 nga ‘SofaScore’. Megjithëse “Pirati” shkëlqeu, Mallorca mbetet pa fitore këtë sezon. Pas pesë javësh, skuadra ka grumbulluar vetëm dy pikë dhe ndodhet në vendin e parafundit në tabelë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera