WOLVERHAMPTON, Angli - Premier League, futbolli elitar në Angli zbriti në fushë mbrëmjen e të mërkurës. Wolves barazoi 2-2 kundër Arsenalit për llogari të raundit të 31-të, ndeshje e cila u përshpejtua për shkak se Arsenali luan në finalen e Carabao Cup kundër Man. Cityt më 22 mars.

Wolves që mban vendin e fundit në Premier League dhe me 17 pikë larg nga zona e shpëtimit të sezonit, ia doli t'i merrte një pikë në shtëpi kryesuesve të Arsenalit, me këta të fundit që nuk mundën të mbanin epërsinë e dy golave.

Ishte Arsenali që kaloi në epërsi pas vetëm pesë minutave lojë në 'Molinux' me golin e Bukayo Saka. Një harkim në zonë i Declan Rice bëri që Saka të devijonte bukur me kokë dhe të mposhtte gardianin Sa. Edhe fillimi i pjesës së dytë foli për miqtë nga Londra, që dyfishuan me Piero Hincapie.

Megjithëse me dy gola të pësuar, 'Ujqit' vendas nuk u dorëzuan dhe fillimisht shkurtuan me Bueno në minutën e 61-të, para se Edozie të barazonte ndeshjen për 2-2 në shtesën e katërt të ndeshjes.

Arsenali merr barazimin e dytë radhazi në Premier League, por me 58 pikë vijon të mbetet në vendin e parë të klasifikimit. Ndërkohë Man. City ndjek me 53 pikë dhe me një ndeshje më pak. Wolves me vetëm dhjetë pikë mbajnë pozitën e fundit në renditje (20) dhe ndodhet plot 17 pikë larg nga Nottinghami i vendit të 17-të që për momentin nuk rrezikon rrëzimin në Championship.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 31 Mars, 11:25

    A besoni se Drejtori i ri Policisë, Hita do luftojë krimin dhe korrupsionin?

Lajme të tjera