Mbrojtësi i kombëtares shqiptare Marash Kumbulla kaloi një mbrëmje për t’u mbajtur mend të enjten. Futbollisti i Romës realizoi golin e dytë në fitoren 2-0 që kryeqytetasit italian morën kundër Real Sociedad në ndeshjen e parë të fazës së 1/8 të Conference League. Kumbulla zgjodhi ta festonte në mënyrë të veçantë, duke ia dedikuar të fejuarës së tij e cila muajt e ardhshëm do sjellë në jetë fëmijën e parë të çiftit.
Në Itali dhe jo vetëm shpresojnë që ky gol të ndryshojë sezonin e Kumbullës, pasi deri më tani nuk ka gjetur hapësira te ekipi i drejtuar nga Mourinho. Jo më kot edhe kundër Sociedad hyri si zëvendësues në pjesën e dytë.
Ndërkohë fitore në ndeshjen e parë të fazës së 1/8 mori edhe Juventusi, që mposhti 1-0 Freiburg-un. Golin e fitores e realizoi Di Maria me kokë në pjesën e dytë, ndërsa kualifikimi për më tej do të zgjidhet në ndeshjen e kthimit.
Sakaq Manchester United la pas poshtërimin nga Liverpool dhe mposhti 4-1 Real Betisin. Golat në ‘Old Traford’ për ekipin e Ten Hag u realizuan nga Rashford, Antony, Fernandes dhe Ëegerhost. Ndryshe nga United, Arsenal u ndal në një barazim 2-2 në transfertën e Sporting Lisbonës. Fillimisht realizuan anglezët me Saliba-n, më pas përmbysën vendasit, ndërsa në fund një autogol vulosi shifrat.
Në Conferencë League, ndeshja e parë në histori që arbitruan arbitrat shqiptarë, Fiorentina-Sivasspor e përfunduar 1-0, pati shumë tension. Kryesori Enea Jorgji u detyrua të nxirrte 7 herë kartonin e verdhë dhe njëherë të kuqin për turqit, por në fund vlerësimi për gjyqtarin ishte pozitiv.
Marash Kumbulla ishte tejet i lumtur pas golit të realizuar në Europa League me Romën. Shqiptari thotë se ishte hera e parë që realizonte në krahun ku ishin të vendosur tifozët ultras të Romës dhe kjo i dha një gëzim të pamasë.
“Fitoren e dëshironim shumë dhe e merituam sepse luanim në shtëpinë tonë përpara këtij publiku të mrekullueshëm. 2-0 është një rezultat i mire, por duhet të jemi të përqëndruar edhe në ndeshjen e kthimit. Goli më gëzoi shumë pasi është hera e parë që shënoi në pjesën ku ndodhen tifozët ultras kjo ishte një ëndërr që kur erdha tek Roma, ia dola dhe jam i lumtur. Roma po rritet nga ndeshja në ndeshje dhe po punojmë shumë. Për këtë jemi të lumtur,”-përfundoi ai.
Lajme të tjera
-
Sot kundër Juventusit, Fonseca: Ne jemi Milani, fitojmë! Motta: Na duhet një ndeshje e madhe
23 Nëntor, 16:13 -
Napoli parakalon Juventusin, në Itali e bëjnë të sigurt: Ardian Ismajli ka akord me të kaltrit
22 Nëntor, 15:39 -
Serie A/ Stadiumi 'sold-out' për Milan - Juve! Dëmtohet Vlahovic, për kuqezinjtë ka rikthime
21 Nëntor, 12:01 -
Buffon: Po, kam vendosur baste! Kurrë për Juven dhe Italinë
21 Nëntor, 10:25 -
Ardian Ismajli magjeps Conten, Napoli 'sparkatë' Juventusit për mbrojtësin e Kombëtares
21 Nëntor, 08:56 -
Jepnin informacione për inteligjencën ruse, dy persona nën hetim në Milano nga prokuroria antiterrorizëm
20 Nëntor, 18:46 -
Dramë për Juventusin, Juan Cabal mbyll sezonin
14 Nëntor, 15:26 -
Zyrtare/ Roma zhvillon stërvitjen me trajnerin e ri, Claudio Ranieri mbërrin në 'Trigoria'
14 Nëntor, 14:17 -
AS Roma kthen Claudio Ranierin nga pensioni, trajneri 73-vjeçari udhëton drejt Londrës për të takuar pronarët
13 Nëntor, 09:25 -
Trajneri i ri i Romës, Montella është i preferuari! Klauzola që e çliron nga Turqia
12 Nëntor, 15:08 -
De Rossi ‘sparkatë’ Mancinit: Nuk kam thënë kurrë se nuk do të kthehem te Roma
12 Nëntor, 11:40 -
Kombëtarja nis stërvitjen, 3 futbollistë bashkë me kapitenin humbasin sfidat e nëntorit! Manaj në pikëpyetje, priten ftesa të reja
11 Nëntor, 16:36
