Gomonia goditi për vdekjen 7-vjeçaren, Meta: Këto ngjarje tregojnë që shteti ka rënë, kjo nuk është policia që duam

 

Kreu i Partisë së Lirisë, Ilir Meta ka dalë në një konferencë për shtyp pas ngjarjes tragjike në Himarë, ku gomonia goditi për vdekje 7-vjeçaren. Meta thotë se këto ngjarje tregojnë se shteti ka rënë, ndërsa thotë se kjo nuk është policia që i duhet popullit. Sipas Metës, policia përdoret nga pushtetarët për të vjedhur zgjedhjet dhe lejuar trafikun e drogës. Ai shprehet se duhet të merren masa të menjëhershme që të vihet besimi mes policisë dhe qytetarëve.

"Ngjarjet e rënda që kanë ndodhur në mes të institucionit të policisë, ku u goditën polici me polic, tregojnë që shteti ka rënë, që policia nuk është ajo që e duam, që do populli, përkundrazi nuk është në shërbim të popullin, por përdoret si instrument për t’i frikësuar, për ti shtypur. E kemi parë këtë arrogancë sesi rrëmbehen të rinj e të reja nga ca banditë me kapuça që vazhdojnë në policinë e shtetit. Kemi parë sesi policia tolerohet në situata të tilla vetëm se përdoret si instrument për vjedhjen e zgjedhjeve dhe lejuar trafikun e drogës. Kremi raste të rënda si helikopteri në Vermosh. Nuk i jepet asnjë sqarim medias e opinionit publik. Është koha që të reagohet me forcë që ti jepet fundit përdorimit të policisë si një instrument shtypës ndaj popullit", tha Meta. 

LEXO EDHE:
'SPAK guxoi të hapë dosjet e të korruptuarve, nuk duhet penguar' Shehi: Sulmet e Metës, halle personale

Lajmi kryesor:

Tragjedia në Potam, Meta: Ku shkojnë milionat e eurove për sigurinë në plazhe? Autori i dënuar më parë por i ’riintegruar’ nga qeveria

SI.E./KT/Shqiptarja.com

TAG:
• Ilir Meta
• vdes 7 vjecarja ne himare