Grabitja e 1 milion eurove në Rinas
dosja përfundon në Gjykatë të Lartë
Arkiv/Të gjitha lajmet për grabitjen

Në fillim të muajit shtator Gjykata e Lartë pritet të marrë në shqyrtim kërkesën për interpretim vendimi dhe vleftësim të masave të sigurisë për 5 të arrestuarit nën akuzë për “Shpërdorim detyre” në lidhje me grabitjen e mbi 1 milion eurove në Rinas.

Depozitimi i kërkesës nga të dyshuarit që qëndrojnë me masë sigurie “Arrest me burg” konfirmohet për ReportTv nga avokatët e tyre të cilët deklaruan se kanë depoztituar pranë Kolegjit Penal rekurs për masën dhe ankim për vendimin e Krimeve të Rënda që ka shpallur mos kompetencë.

Pas “Arrestit me burg” të caktuar nga Gjykata e Krujës dosja përfundoi pranë Krimeve të Rënda ndërsa sërish u rikthye në Krujë.

Por kjo situatë bëri që Apeli i Krimeve të Rënda të mos shqyrtojë kërkesat e Arben Karafilit, Bledar Blloshit, Fadil Jonizaj, Kujtim Picarit dhe Vangjel Nikollës për tu liruar nga burgu.

E pikërisht për këtë mos shqyrtim është depozituar ankim në Gjykatën e Lartë, ndërsa pas më shumë se 2 muajve grabitja e Rinasit mbetet pa autor të prangosur dhe një hetim i shtrirë në disa pista.

Redaksia Online
(F.T/shqiptarja.com)