Gjenden 100 mijë euro nga paratë e grabitura në Rinas, arrestohet personi që informoi autorët nga brenda aeroportit

Policia dhe prokuroria e krimeve të rënda zbulojnë informatorin e grupit kriminal që realizoi supergrabitjen e miliona eurove në 9 prill, brenda aeroportit të Rinasit.

Në pranga ka rënë Hasan Kanaçi, i cili mbante detyrën e agjentit të cargos, në aeroportin Nënë Tereza. Arrestimi i 48 vjeçarit është mbrëmjen e djeshme në banesën e tij në Tiranë.

Ndërkohë gjatë kontrollit të ushtruar në banesën e tij u gjetën rreth 100 mijë euro, të konvertuara në kartmonedha të ndryshme, për të cilat ka dyshime të forta se i përkasin shumës prej 4.6 milionë eurove të grabitura në Rinas më 9 Prill dhe të cilat do të transportoheshin me avion nga Shqipëria drejt Vjenës.

Burime për Report TV bëjnë me dije se Kanaçi ishte agjenti që merrej me ngarkesën e vlerave monetare në aeroport dhe kishte dijeni për oraret fikse se kur vlerat monetare mbërrinin e futeshin në barkun e avionit.

Lidhur me këtë fakt, grupi hetimor ka dyshime të forta se 48-vjeçari ka njoftuar grupin kriminal për orarin e lëvizjet që do të bënin automjetet që po transportonin shumën e parave.

Mbi Kanaçit rëndojnë akuzat “Vjedhje me armë kryer në bashkëpunim”, ” Grupi i strukturuar kriminal”, ” Prodhim dhe mbajtje pa leje e armëve të ftohta”, ”Mbajtje pa leje e armëve, armëve shpërthyese dhe municioneve luftarake”, “ Vrasje e punonjësve të Policisë së Shtetit “ e kryer në bashkëpunim e mbetur në tentative.

Kanaçi është personi i 7 që përfundoi në pranga lidhur me grabitjen e milionave euro në aeroportin e Rinasit.

Më herët në pranga janë vënë Ragip Hajdini, Elton Pikli, Renaldo Sulaj, Oltjan Veseli, Saimir Cela dhe Alkond Bengasi. Dëshmia e këtij të fundit zbuloi grupit, duke pranuar të bashkëpunojë me drejtësinë.

Ndërkohë që në kërkim vijojnë të jenë vëllezërit Klement e Eldi Çala, si dhe Talo Çela.

Ditën e ngjarjes, gjatë shkëmbimit të zjarrit me policinë, mbeti i vrarë edhe organizatori Admir Murataj.

Pas ngjarjeve në datë 20 prill policia mori kontrollin në sallën e kamerave duke nisur zbatimin e masave shtesë.

I arrestuari Hasan Kanaçi

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qytetari digjital: 17/06/2019 09:18

    Me sa me kujtohet si fytyre, Hasani ka punuar si doganier ne Rinas te pakten deri para 15 viteve. Me sa duket i ka patur te ngushta marredheniet me lekun qe shume heret.

    Përgjigju
  • ELC: 16/06/2019 07:52

    Arrestoni pergjegjesit e vertete, e lerini punonjesit e aeroportit. Kot sa per te thene qe po punoni.

    Përgjigju
  • Toni: 15/06/2019 13:53

    A mer cun. Do te te dali qumshti i nenes

    Përgjigju
  • Kafsha: 15/06/2019 12:56

    Objekte të ndryshëm dhe jo të ndryshme!

    Përgjigju
  • shkodrani: 15/06/2019 12:34

    Ato leke ai i ka grabitur ndoshta ne bagazhin e udhetareve

    Përgjigju
  • www.YoungTribune.com: 15/06/2019 11:45

    Bravo policia. Here a vone te gjithe do bien ne rrjeten e saj.

    Përgjigju
    • Pomer: 15/06/2019 14:37

      Mos u lodh te gjith do dalin te pafajshem dhe do u rikthehen parate me urdher gjukate. Mbaje mend dhe pronari makines me euro do dali dhe do ja japin mbrapsht...

    • Arbër: 15/06/2019 12:16

      Kjo është mburrje për policin she drejtësin shqiptare!!!

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD