TIRANE-Një grabitje me armë zjarri ka ndodhur në orët e para të mëngjesit të sotëm në tregun ushqimor në kryeqytet. Ka qenë ora 06:00 e mëngjesit kur tre persona të armatosur dhe maskuar grabitën dyqanin e tregtarit Eduard Alushi.
Autorët kanë arritur që të marrin dy koli me cigare dhe 30 mijë lekë që ndodheshin në arkën e dyqanit. Pronari Eduard Alushi jashtë kamerave shprehet se u frikësua, pasi autorët ishin të armatosur.
“Sapo hynë brenda më drejtuan armën, dhe më kërkuan lekët. Nuk munda për të lajmëruar policinë, tentova ta marr pultin, por nuk munda. Më shtynë dhe më qëlluan, morën stekat me cigare dhe 30 mijë lekë. Autorët ishin tre dhe të maskuar” deklaroi pronari jashtë kamerave.
( Me rreth të kuq ) Dyqani ku u grabit tregtari
Policia ka filluar hetimet për ngjarjen duke u vendosur në ndjekje të autorëve. Janë sekuestruar pamjet e kamerave të sigurisë, ndërsa është marrë në pyetje pronari i dyqanit dhe dëshmitarët që ndodheshin në vendin e ngjarjes.
Tregtarët shprehen të frikësuar pas ngjarjes së sotme, ndërsa thonë se fenomeni është shumë i rrezikshëm dhe kërkojnë marrjen e masave për të kapur autorët. “Kemi frikë nga grabitjet. Ku është siguria, nuk ka. Mua nuk më ka ndodhur. Policinë e kemi lajmëruar kur ka pasur raste dhe është përgjigjur” u shpreh njëri prej tyre.
Ndërsa një tjetër tregtar theksoi se “Ai të vjen me pistoletë dhe të kap menjëherë dhe nuk ke çfarë bën. Përveç asaj sot, në ditë të tjera nuk ka pasur, por kemi frikë. Nuk kemi kompani private lajmërojmë policinë. Është një fenomen i rrezikshëm”.
Komente
Lajme të tjera
-
‘Grabitje me pica’, u trokitën në derë dhe u përleshën me pronarët e banesës! Si i tradhtuan shenjat e gishtave hajdutët në Tiranë (FOTOT-EMRAT)
12 Prill 2021, 22:41 -
“Mos luaj oj nuse”, hajdutët iu hyjnë në kuzhinë, gratë tmerrohen
7 Prill 2021, 16:15 -
Grabitet me armë filiali i një institucioni financiar privat në Tiranë! Kërcënohen punonjësit dhe merret një shumë parash! Policia ngre pika kontrolli për kapjen e autorit
23 Janar 2021, 14:08 -
Grabitja e postës private në Tiranë/ Autorët morën një sasi të vogël lekësh! I kapën kamerat, njëri çalonte! Dyshime se kishin informator nga brenda
17 Qershor 2020, 07:43 -
Dy biznese 'bien pre' e skifterëve me maska në Tiranë
13 Shkurt 2020, 19:49
