Një fouristradë  me drejtues  K.D., 30 vjeç banues në fshatin Posnovisht  ka dalë nga rruga në fshatin Bersnik të Gramshit dhe për pasojë janë plagosur 8 persona.

Në mesin e të plagosurve janë  5 fëmijë të moshave 8-10 vjeç, ndërsa drejtuesi i mjetin ndodhet në  spital në gjëndje të rëndë për jetën.

Sipas të dhënave paraprake mësohet se të plagosurit janë dërguar në Spitalin e Gramshit dhe po  marrin ndihmën mjekësore

Njoftimi i policisë së Gramshit për ngjarjen:

Më datë 17.11.2017 në fshatin Bërsnik i Sipërm mjeti autoveturë tip Fuoristradë me targa AA 572 EZ drejtuar nga shtetasi K.D., 30 vjeç banues në fshatin Posnovisht ka dalë nga rruga.

Si pasojë është dëmtuar vetë drejtuesi i mjetit i cili ndodhet në gjendje të rëndë.

Gjithashtu janë dërguar për ndihmë mjekësore në Spitalin e Gramshit pasagjerët shtetasit;

N.H., 55 vjeç, M.A., 25 vjeç, K.F., 9 vjeçe, E.V., 8 vjeçe, A.Sh., 8 vjeçe, L.V., 10 vjeç dhe H.V., 9 vjeçe.

Policia ndodhet në vendngjarje dhe po punon për përcaktimin e shkaqeve të aksidentit.

Rekdaksia Online
N.M/Shqiptarja.com