Granit Xhaka në telashe, dyshohet për baste të jashtëligjshme! Mediat britanike: Pas kësaj dyshohet se fshihet mafia shqiptare

Granit Xhaka në telashe, dyshohet për baste të jashtëligjshme! Mediat britanike: Pas kësaj dyshohet se fshihet mafia shqiptare

Granit Xhaka

Futbollisti shqiptar Granit Xhaka është futur në telashe vetëm për shkak të kartonit të verdhë që mori në minutës 86-të të Premier League mes Leeds-Arsenal. Mediat britanike dyshojnë se pas kësaj qëndron mafia shqiptare. Pas hetimit 6 mujor, SunSport zbuloi se ishte vënë një bast prej 65,000 paund që Xhaka të ndëshkohej në ndeshjen e 18 dhjetorit, duke siguruar një pagesë prej 250,000 paund.

Një tjetër bast thuhet se kishte vlerën 52 mijë paund nëse Xhaka do të merrte karton të verdhë në dhjetë minutat e fundit. Dhe kështu ndodhi. Vetëm pak minuta para se të mbaronte ndeshja që përfundoi me rezultatin 4-1 për Arsenalin, Granit Xhaka mori karton të verdhë. Ndërsa Daily Mail thotë se zhvillimet e mëtejshme në hetim kanë zbuluar prova të shumave të vënies së basteve në kriptovaluta në Shqipëri, ndonëse janë të ndaluara me ligj. Thuhet se ish-futbollisti suedez me origjinë shqiptare, Alban Jusufi, ka vendosur një shumë të madhe në favor të kartonit.

Ai është një emër i njohur në vendin skandinav pasi është pezulluar nga çdo aktivitete futbollistik në vitin 2017 pikërisht për shkak të basteve. 41-vjeçari është shpallur fajtor pasi korruptoi portierin e AIK Kyriakos Stamatopoulosme 150 mijë pound për të trukuar ndeshjen kundër Gotheborg.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Vizita e Presidentit Begaj në Kosovë, si i vlerësoni mesazhet dhe takimet që zhvilloi?



×

Lajmi i fundit

Shpërthim i fuqishëm në një xhami në Kabul, raportohet për viktima

Shpërthim i fuqishëm në një xhami në Kabul, raportohet për viktima