Një shfaqje e pazakontë është mbajtur mbrëmjen e kaluar në kuadër të edicionit të tretë të Festivalit FemFEST, në arTurbina. Regjisorja Eni Jani ka rivënë në skenë komedinë “Shi në plazh”, por këtë herë kasti la mjediset e izoluara të qelive dhe u ngjit në skenë.
Gratë e dënuara, në konflikt me ligjin kanë dalë dje përpara një publiku të rastësishëm të shfaqjeve të teatrit, ndonëse për shkak të kauzës të pranishëm ishin edhe ministrat e drejtësisë të Kosovës dhe Shqipërisë, përfaqësues të trupit diplomatik etj.
Thuajse në 90 minuta, këto gra kanë jetuar një përvojë të paharruar, pa harruar edhe procesin e provave, të përvetësimit të personazheve dhe të transformit fizik të tyre për t’ju përshtatur roleve.
Të kufizuara në të drejtën për të qenë të lira, derisa të kryejnë detyrimet e tyra përballë ligjit, por jo të mohuara në të drejtën për të jetuar, gratë e IEVP “Ali Demi” kanë dhënë edhe mesazhe të rëndësishme, për kurajon dhe mbështetjen që u është dhënë gjatë kësaj kohe.
Kujtojmë se të ardhurat nga biletat e shfaqjeve të FemFEST shkojnë për katër studente, për bursa studimi në Universitetin e Arteve.
Lajme të tjera
-
'Dhimbje e lehtë', mes një çifti të martuarisht, nisi mbrëmë me sukses në teatrin eksperimental
29 Prill 2022, 21:13 -
Çifti i aktorëve mbjellin ullinj te Liqeni, Veliaj: Mundësia ideale për të lënë gjurmë në qytet (VIDEO)
4 Janar 2021, 13:49 -
Andon Qesari, Genc Fuga, Agim Bajko dhe Eni Jani i bashkohen peticionit pro ndërtimit të Teatrit të Ri
16 Maj 2020, 14:56 -
Rrëfimi i Genc Fugës nga karantina: Repertori i teatrove online do të mbante afër spektatorin
8 Prill 2020, 15:48
