Art, kulturë dhe spektakël, në vijim, rubrika “Ciceron”, ju njeh me aktivitetet që mund të ndiqni sot në Tiranë dhe disa qytete të vendit.
1. “FemFest” vijon sot me një sërë aktivitetesh. Në orën 18.30 luhet në Teatrin Eksperimental shfaqja “Shi në plazh” me regji të Eni Janit. Ndërsa në orën 20, 11 aktore interpretojnë në skenën e Teatrit Kombëtar, po në Arturbina, shfaqjen ‘7 minuta’ me regji të Driada Dervishit.
2. Në vazhdë të ciklit “Me fjalë të tjera”, Instituti Italian i Kulturës organizon këtë mbrëmje në orën 18.00 në Shtëpinë e Europës një takim letrar me poetin Julian Zhara.
3. Organizohet sot në orën 11.00 në Qendrën Kombëtare të Librit dhe Leximit takimi përkujtimor “Naum Prifti, midis dy kohësh”, me praninë e dy vajzave të autorit dhe dashamirësve të tij.
4. Në prag të Ditës së Mësuesit, Qendra për Hapje e Dialog në Kryeministri mban sot në orën 18.00 një takim për të kujtuar momentet më të rëndësishme të kombit tonë: betejën për gjuhën shqipe, mësonjëtoren dhe rilindasit.
5. Në skenën e teatrit “Aleksandër Moisiu” Orkestra e Harqeve mban këtë mbrëmje në orën 19.00 një koncert me pjesë nga Britten, Vivali dhe Mendelssohn, me soliste në flaut Jonela Golemin dhe dirigjent Petrika Afezollin.
6. Në qendrën e artit “Agimi” në Tiranë mbahet sot në orën 18.00 një mbrëmje poetike me të ftuar Altea Alushin që shoqërohet në piano nga Serxho Beqo.
7. Gjuha shqipe dhe figurat e njohura të albanologjisë si Gustav Majer, Norbert Jokli dhe Eqerem Çabej janë në qendër të aktivitetit “Shprehur në vargje” që mbahet sot në orën 14.00 në bibliotekën “Marin Barleti” në Shkodër.
8. Vijon e hapur deri në 12 mars në galerinë “FAB” në Tiranë ekspozita “Brio” nga piktori Orion Shima.
9. Me 50 imazhe tronditëse si dëshmi e agresionit rus është e hapur për publikun deri në 23 mars ekspozita "Ukraina: një krim lufte" në Qendrën për Hapje dhe Dialog në Kryeministri.
Lajme të tjera
-
‘Deteve ngjyrë vere’, udhëtim në mitologjinë e Mesdheut, përmes 29 tablove të Orion Shimës
6 Mars 2023, 15:43
-
Beqo, Sopiqoti dhe Zaganjori, shpallen tre fituesit e Konkursit 'Çesk Zadeja', vlerësohen dhe 5 kompozitorë të karrierës
23 Dhjetor 2022, 19:56 -
'Dhimbje e lehtë', mes një çifti të martuarisht, nisi mbrëmë me sukses në teatrin eksperimental
29 Prill 2022, 21:13 -
Orion Shima ‘i kundërvihet’ indiferencës ndaj natyrës, ekspozita “Kjo vjeshtë”, në një triptik me 19 vepra të punuara në pandemi
21 Mars 2022, 16:59
-
Çifti i aktorëve mbjellin ullinj te Liqeni, Veliaj: Mundësia ideale për të lënë gjurmë në qytet (VIDEO)
4 Janar 2021, 13:49 -
Ekspozita/Raporti i njeriut me natyrën në veprat e Shimës dhe Stommel-it
14 Tetor 2020, 16:29
-
Andon Qesari, Genc Fuga, Agim Bajko dhe Eni Jani i bashkohen peticionit pro ndërtimit të Teatrit të Ri
16 Maj 2020, 14:56 -
Rrëfimi i Genc Fugës nga karantina: Repertori i teatrove online do të mbante afër spektatorin
8 Prill 2020, 15:48 -
Në “Kopshtin e mbyllur” të Orion Shimës, aty ku bashkëjetojnë bukuria femërore dhe natyra
18 Shkurt 2020, 16:07
