Gratë shtatzëna dhe vaksina anti-COVID, Ulqinaku: Ta shmangin 3 muajit e parë, më pas mos të hezitojnë! Tomini: Rekomandojmë Pfizer

Zv.Drejtori i Institutit të Shëndetit Publik Dritan Ulqinaku, i ftuar në “Repolitix”, foli lidhur me vaksinën kundër COVID-19 dhe gratë shtatzëna.

I pyetur lidhur me kohën e duhur të marrjes së vaksinës, Ulqinaku u shpreh se nga 0-3 muajshe ideale do të ishte për gratë shtatzëna të shmangin vaksinën, megjithatë nuk përbënë problem dhe një vendim i kundërt. Kjo për shkak se embrioni është në një fazë delikate të tij.

Zv.Drejtori i Institutit të Shëndetit Publik, tha se pas muajit të tretë cdo grua shtatzëne duhet të marri vaksinën për t’u mbrojtur nga COVID-19.

Gjatë fjalës së tij theksoi edhe faktin se vaksina nuk ka si pasojë sterilizimin.

“0-3 muaj të parë duhet ta shmangi, është periudhë në të cilën embrioni është në faze delikate. Nuk ka efekt anësorë, por ne e sugjerojmë, nuk është e domosdoshme. Por në muajit e tjerë, mund të bëhet është e sigurt. Vaksinimi para shtatzënisë, sepse nuk ekziston kjo që thonë që mbetesh sterilë. Nuk ndikim, kjo është e vërtetuar.”, tha ai. 

Zv.ministrja e Shëndetësisë, Eugena Tomini rekomandoi bazuar në sugjerimin e Komitetit taksni të ekspertëve që gratë shtatzëna të bëjnë vaksinën Pfizer.

“Komiteti teknik i vaksinimit ka rekomanduar që gratë shtatzëna mund të marrin vaksinën gjatë shtatzënisë. Rekomandohet që të përdorin Pfizer.”, u shpreh ajo.

Lajmi kryesor:

69 të vdekur nga COVID në 5 ditë, Tomini: Të pavaksinuar, rriten të shtruarit në terapi intensive! Mjeku Bejtaj: Shtatzënat të vaksinohen, turp historirat me sterilitetin

J.GJ./KT/Shqiptarja.com

TAG:
• ministria e shendetesise
• dritan ulqinaku
• shtatzene
• Eugena Tomini
• koronavirusi ne shqiperi
• ilir alimehmeti
• Vaksina Covid
• engjell bejtja
• vaksinat ne shqiperi
• vaksinimi masiv