Anijet u ankoruan, trenat ndalën dhe stacionet e metrosë së kryeqytetit grek u mbyllën.
Në Greqi, për herë të dytë që nga krijimi i qeverisë konservatore të Kyriakos Mītsotakīs, punëtorët e sektorin publik dhe privat, kanë palosur krahët duke paralizuar gjithë vendin.
Në shënjestër të sindikatave, është projekt-ligji i qeverisë për Reformën e Punës, që përveç dobësimit të marrëveshjeve kolektive mes tyre dhe ndërmarrjeve shtetërore dhe private, parasheh të detyrueshëm dhe votimin elektronik të 51% të anëtarëve të sindikatës, për t’i bërë të ligjshme grevat.
![](https://shqiptarja.com/template/img/NO_ALFA_Kuadrate shqiptarja.png)
Për sindikatat projektligji është bërë enkas për t’I ardhur në ndihmë ndërmarrjeve të mëdha.
Si për t’I hedhur benzinë zjarrit, kryeministri Mītsotakīs i ka quajtur punëtorët “një grup prej disa mijëra "sindikalistë profesionistë, armiq të transparencës, të cilët po i shkaktojnë grekëve shqetësime të mëdha me grevën e tyre".
Projektligji i qeverisë vendos rregulla të reja në të drejtën e grevës, forcën e kontratave kolektive të punës dhe prezanton një detyrim për sindikatat që të regjistrohen. Sindikatat nga ana e tyre janë shprehur se ata nuk duan të monitorohet veprimtaria e tyre.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)