Sipas medias greke dje është bërë zyrtarizimi i këtij transferimi, i cili fillimisht do të jetë në formë huazimi deri në fund të sezonit. Në kontratën midis dy klubeve ekziston një klauzolë ku Panathinaikos ka të drejtën e blerjes së kartonit të lojtarit shqiptar në verën e këtij viti.
Kishte kohë që Kaçe donte të largohej nga PAOK-u, madje u përfol se do të luante në kampionatine Qipros, por përfundimisht do të transferohet në Athinë. Në një moment tjetër ky do të ishte një hap shumë i madh në karrierën e Kaçes por këtë vit Panathinaikos ka probleme të mëdha financiare dhe nuk lufton për titull por për mbijetesë. Gjithsesi vazhdimi i karrierës në një klub me kaq shumë emër në Greqi është një hap pozitiv për mesfushorin shqiptar.
Er.K/Shqiptarja.com