Greqi/ 'Shkoi të takonte ish-gruan'! 29-vjeçari shqiptar gjendet i varur në pemë, çfarë dëshmonte i vëllai para një muaji

Angjelo Avdiu

Një 29-vjeçar me origjinë shqiptare, Angjelo Avdiu, mëngjesin e sotëm (27 Nëntor) është gjetur i varur në një pemë dhe me duar të lidhura në një fshat grek.

Familjarët e tij, një muaj më parë, kishin denoncuar humbjen e Angjelos, pasi kishte humbur kontaktet me ta prej 3 ditësh.

Ai ishte baba i një fëmije, i cili jetonte në fshatin grek, Agios Konstantinos Fthiotidas. Sipas mediave greke ai ishte larguar mëngjesin e 29 tetorit, ndërsa gjatë natës kishte qëndruar me një të afërm.

Në një deklaratë për mediat greke ka folur edhe vëllai i të ndjerit, i cili tha se 29-vjeçari kishte ardhur në fshat për të biseduar me ish-bashkëshorten dhe nënën e fëmijës së tij në përpjekje për të rregulluar marrëdhëniet mes tyre.

“Erdhëm të bisedonim me ish-bashkëshorten e tij që ishte divorcuar. Të dielën në mëngjes ishim duke pirë kafe dhe befas ai u largua pa i thënë asgjë askujt. Të gjitha gjërat i la në shtëpi dhe celularin. Bëjmë apel që të gjendet vëllai im sepse nuk ka qenë shumë mirë së fundmi. Ai ka edhe një djalë të vogël, 9 vjeç”, tha vëllai i të ndjerit.

Lajmi kryesor:

Tragjike në Greqi, 29-vjeçari shqiptar gjendet i varur në pemë! Policia heton për vrasje, duart i kishte të lidhura me tel (EMRI)

S.S/Shqiptarja.com

TAG:
• Angjelo Avdiu
• greqi