Greqi/ Shpëtuan nga zjarri por Covid prek më shumë se 240 emigrantë në kampin e ri në Lesbos

Greqi/ Shpëtuan nga zjarri por Covid prek më shumë se 240 emigrantë në kampin e ri në Lesbos

Më shumë se 240 migrantë në një kamp të ri, të përkohshëm në ishullin grek të Lesbos, janë infektuar nga Coivid-19

Sipas raportimeve nga Agjencia e Shëndetit Publik në Greqi, rezultatet dolën pas testimit të rreth 7.000 personave.

Më 8 shtator, një zjarr që shpërtheu në kampin Moria të ishullit Lesbos, detyroi 12.000 migrantë të largohen prej aty, derisa autoritetet ndërtuan me shpejtësi një kamp të ri të përkohshëm. Gjashtë të rinj afganë përballen me akuza për zjarrvënie. U desh më shumë se një javë që shumica e azilkërkuesve të ri-strehohen në kampin e ri.

Që nga marsi, kufizimet e lëvizjes në kampin Moria ishin edhe më të rrepta për shkak të pandemisë së virusit koronavirus.

Ministri i Migracionit në Greqi, Notis Mitarachi, deklaroi sot në parlament se ata që janë përgjegjës për zjarrin "do të vuajnë dënimin e tyre në Greqi dhe më pas do të dëbohen".

Disa azilkërkues tani janë ankuar se në kampin e ri nuk kanë kushte themelore për banim.

Mitarachi tha se një kamp i ri "modern dhe i sigurt " do të ndërtohet në Lesbos - edhe pse zyrtarët lokalë e kundërshtojnë me forcë këtë veprim, duke kërkuar largimin e menjëhershëm të shumicës së azilkërkuesve.

Gjatë viteve të fundit Greqia ka shërbyer si një portë hyrëse për në Bashkimin Evropian, për më shumë se një milion refugjatë sirianë dhe migrantë të tjerë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lindon Selahi 'sms' Sylvinhos: Trajneri s'më ka telefonuar, kam shpresa për Europianin

Lindon Selahi 'sms' Sylvinhos: Trajneri s'më ka telefonuar, kam shpresa për Europianin