Qëllohet me armë drejt shqiptarit në Greqi, nuk pranoi që t'i çonte kafen në banesë klientit

Një incident ka ndodhur ditën e sotme në Galatasi të Athinës, të cilin mediat greke e cilësojnë si të pashembullt. Disa persona kombësia e të cilëve nuk bëhet e ditur, kishin bërë një porosi online dhe shpërndarësi ishte me origjinë shqiptare.

Ky i fundit shkoi në adresën që ishte kryer porosia dhe djemtë i kërkuan që të ngjitej lart. Një prej tyre i hodhi çelësat që ai të ngjitej në banesë dhe t’ja çonte kafet në shtëpi, por shqiptari nuk kishte pranuar dhe kështu nisi një debat i ashpër mes tyre, shkruan Prothotema.

Punonjësi shqiptar, identiteti i të cilit nuk bëhet i ditur, shkoi në dyqanin ku punonte, por burri që kishte bërë porosinë e ndoqi së bashku me dy shokët e tij. Kur e pa shpërndarësin, djali nisi të qëllojë me armë, teksa nuk pati të lënduar. Ai tashmë është shpallur në kërkim nga Policia.

M.Q./Shqiptarja.com

TAG:
• greqi
• shqiptari