Greqi, trojka e kreditorëve
skaner progresit të vendit

GREQI – Trojka e huadhënësve ndërkombëtare do të vendosin sot nëse Greqia do mund të marrë 31.5 miliardë euro, kësti i fundit i ndihmës prej 130 miliardë eurosh të rënë dakord në muajin mars.

Fondi Monetar Ndërkombëtar, Banka Qendrore Evropiane dhe Komisoni Evropian përbëjnë të ashtuquajturën Trojka e kreditorëve, të cilët mbërritën në Greqi të martën për të vlerësuar përparimin e saj drej reduktimit të borxheve të mëdha, ndërsa ekonomia në Athinë e cila po tkurret më me shpejtësi sesa parashikimi, dëshmon se vendi është mbrapa me shkurtimin e shpenzimeve dhe të borxhit.

Banka e Greqisë pret PBB-në të tkurret me 5% këtë vit, në recesionin e saj më të thellë që në vitin 1930, ndërkohë që, pritet që Kryeministri grek të kërkojë më shumë kohë për të shlyer kreditë e vendit.

FMN tha se po mbështeste Greqinë në kapërcimin e vështirësive ekonomike të saj dhe do të punojë me qeverinë që vendi të rikthehet në normalitet. Megjithatë raportet e fundjavës sugjeruan se FMN-ja do të rrëzojë thirrjet për ndihmë të mëtejshme.

Greqia ka premtuar për të reduktuar defiçitin e saj buxhetor nën 3% të të ardhurave vjetore kombëtare deri në fund të viti 2014, ndërsa qeveritë e njëpasnjëshme greke kanë arritur të shkurtojnë 17 miliardë euro nga shpenzimet qeveritare.
Kjo ka bërë që borxhi i përgjithshëm nga 160% të PBB-së të zbresë në 132%.

Ekonomistë kanë llogaritur se Greqia mund të ketë nevojë për një paketë të tretë shpëtimi, me vlerë deri në 50 miliardë euro. Nëse Greqia dështon në përmbushjen e kushteve të marrëveshjes, Eurozona mund ta detyrojë të lërë Euron dhe t’i kthehet Dhramisë.

(gm/shqiptarja.com)