Gjykata e Apelit Penal të Selanikut dënoi me burgim të përjetshëm dhe dënime shtesë të përkohshme nga 8 deri në 15 vjet, pesë shtetas shqiptarë të cilët u arrestuan në shtator 2023 me 585 kg kokainë.
Gjykata dënoi 51-vjeçarin Arjan Xhafaj, i cili punonte si zjarrfikës në Fier deri në momentin e arrestimit, gruan e tij Lutmira Xhafaj 43 vjeç, dy nipat e tij Klevis Muskaj 22 vjec dhe Avelino Feimi 34 vjeç si dhe 36-vjeçarin Ilirian Baraj. Të gjithë të dënuarit janë shtetas shqiptarë, me përjashtim të 36-vjeçarit, i cili ka edhe nënshtetësi greke.
Me përjashtim të 43-vjeçares, e cila mohoi akuzat, të tjerët në kërkimin e faljes rrëfyen përfshirjen e tyre, por theksuan se menduan pakot ishin me hashash. Përveç kësaj, deklaruan se ata vetë ishin transportues të thjeshtë dhe se drogën do ta linin të “paketuar” në dy shtëpi, ku do ta merrte një person tjetër, i cili nuk bëhet i ditur.
“Nëse do ta dija se ishte kokainë, do të isha larguar. Mendova se ishte hashash”, tha 51-vjeçari Arjan Xhafaj, të cilit aktakuza i caktoi një rol “të spikatur”.
Ai deklaroi se kishte punuar për 18 vjet si zjarrfikës në Shqipëri dhe se të bashkëakuzuarit do të merrnin 10 mijë euro si tarifë dhe ai vetë një tarifë më të madhe pas dorëzimit të drogës.
NGJARJA
Policia greke në bashkëpunim me DEA Amerikane sekuestroi 585 kg kokainë në 28 shtator 2023 në Selanik dhe vuri në pranga 5 shqiptarë, katër prej të cilëve me lidhje familjare me njëri-tjetrin. Kreu i grupit u cilësua atëherë Arjan Xhafaj nga Cakrani i Fierit dhe bashkë me të u arrestua edhe bashkëshortja, Lutmira Xhafaj, pronare e një bar-kafe në Cakran.
Operacioni është zhvilluar rreth orës 17.40, kur policia greke fillimisht ka ndaluar në Selanik një automjet i cili rezultonte i marrë me qera. Drejtuesi i mjetit ishte Klevis Muskaj nga Cakrani i Fierit. Në mjetin e tij policia greke sekuestroi 239 pako me 280 kg 758 gram kokainë. 10 minuta më pas, është tentuar të ndalohet një tjetër mjet në zonën e “Neous Epibates”.
Drejtuesi i mjetit, në tentativë për t’u larguar, përplasi një mjet policie dhe më pas u përplas me rrethimin e një shkolle. Ai u identifikua si Avelino Feimi nga Vlora. Dy drejtuesit e mjeteve, rezultojnë nipat e Arjan Xhafajt. Policia greke vijoi me kontrollin në banesën e Xhafajt, ku u sekuestruan 23 pako me 26 kg 701 gram kokainë, 1 dedektor metalesh, 12 çanta IKEA, 1 prerës metalik, 1 pako doreza njëpërdorimshe, 1 palë gërshërë profesionale.
Në banesë vec tij dhe bashkëshortes, u gjet dhe u arrestua edhe Ilirian Baraj nga Fieri, me shtetësi greke. Gjatë kontrollit trupor të të arrestuarve, u gjetën dhe sekuestruan 7440 euro, 7 celularë, 4 karta bankare dhe shënime dore.
Komente
Lajme të tjera
-
Arrestimi në Gjermani, Florian Marku në pritje të ekstradimit drejt Greqisë! Priten 6 muaj burg
19 Dhjetor, 12:47
-
Greqi/ Çmontohet organizata shqiptare e vjedhjes së makinave luksoze! I sillnin me targa false në vendin tonë, drejtuesi shqiptar u plagos (FOTO+VIDEO)
19 Dhjetor, 12:18 -
Dosja me përgjime/ Si i rekrutonte 'Mondi' nga qelia 'çunat' shqiptarë, për të kryer krime dhe vrarë dejtorin e Burgut të Janinës (FOTO+VIDEO)
19 Dhjetor, 11:39 -
Arrestohet në Gjermani Florian Marku, boksieri shqiptar 'hesape' me drejtësinë greke
18 Dhjetor, 22:10
-
Greqia mbështet me kushte anëtarësimin e Shqipërisë në BE, eksperti: Diçka e pritshme! Duan pronat në Himarë, askush si vendi ynë nuk respekton minoritetet
18 Dhjetor, 18:57 -
Greqia: Mbështetja jonë për anëtarësimin e Shqipërisë në BE është e kushtëzuar, ne jemi rregullatorët e shpejtësisë
18 Dhjetor, 16:17 -
Greqi/ Panik në Selanik, 'Sillni ministrin ose do hedh Gjykatën në erë', arrestohet autori (VIDEO)
18 Dhjetor, 13:58 -
Greqi/ Kapen 82 kg kokainë në Portin e Pireut, arrestohen dy punonjës të portit
17 Dhjetor, 22:31 -
Policia greke godet bandën me kryetar shqiptarin e njohur si 'Mondi', sekuestrohen drogë, armë e para kesh! 25 të arrestuar dhe 14 në kërkim
17 Dhjetor, 18:46 -
Merret peng dhe dhunohet greku në Kostur, policia shpall në kërkim shqiptarin
17 Dhjetor, 16:40 -
Atentati ndaj shqiptarëve në Athinë, rihapet dosja e vrasjes së 32-vjeçarit shqiptar Roan Brahimi, armikut të Ervis Martinajt! Dyshohet se kanë lidhje
17 Dhjetor, 15:10 -
Atentati në Athinë, identifikohet edhe shoku i viktimave, dyshohet të jetë plagosur
16 Dhjetor, 21:52
Hashash apo kokaine, pavaresisht se kane efekte te ndryshme,prape droga quhen dhe prape te paligjshme jane kur nuk jane te legalizuara nga shteti(kur behet fjale per marjuanen).S.d.q denimi /i perjetshem/ne kete rast eshte i tepruar,pasi behet fjale per trafikante te rendomte qe kane bere vetem trafik droge,por nuk ka prova qe veprimtaria e tyre eshte shoqeruar me krime akoma me te renda si vrasje per hir te trafikut.
Përgjigju