Në konferencën e përbashkët me homologun rus, Sergei Lavrov në Athinë, kryediplomati grek tha se “Historia e zemrës greke arrin deri në Indi, por kufijtë e zemrës nuk janë kufijtë e së Drejtës Ndërkombëtare dhe respektimi i kufijve është detyrim”.
Më tej, Kotzias theksoi se historia duhet të shërbejë si shkollë dhe jo si burg.
Ministri i Jashtëm grek ka theksuar gjithashtu nevojën e kanaleve të komunikimit midis NATO-s dhe Rusisë dhe ekzistencën e një Europë, që të përfshijë edhe Rusinë dhe jo ta ketë atë armike.
Nga ana e tij, ministri rus Lavrov ka falenderuar Athinën zyrtare për qëndrimin e saj në marrëdhëniet me Rusinë, BE-në dhe NATO-n.
(er.nu/shqiptarja.com)