POP 5

Lajmet më të lexuara të 5 minutave të fundit

Bota

Greqia synon të kthehet në ‘Parajsë fiskale', Mitsotakis: Taksë e sheshtë për ultra të pasurit

Programi ekonomik ‘Për të Ardhurit’, parasheh që ata që vendosin të transferojnë vendbanimin e tyre tatimor në territorin Grek - duke investuar të paktën gjysmë milioni euro, t'ju ofrohet një favor - për shumën 100 mijë euro nuk do të ketë asnjë tarifë tatimore. 

Pas zgjedhjes në krye të qeverisë, kryeministëri grek Micotakis po synon të tërheq në vend investime te huaja duke kryer disa manovra ekonomike, një prej të cilave është ajo që njihet me emrin ‘Lehtësitë Fiskale për të Ardhurit’.

Ata që vendosin të transferojnë vendbanimin e tyre tatimor në territorin Grek - duke investuar të paktën gjysmë milioni euro në vend, do t'ju ofrohet një favor - për shumën 100 mijë euro nuk do të ketë asnjë tarifë tatimore.

"Njerëzit me pasuri të mëdha që duan të investojnë- shpjegoi Zëvendës Ministri i Financave Theodoros Skilakakis - tashmë kanë në Greqi favore fiskale. Ajo që na intereson ne janë individët e pasur që mund të investojnë në Greqi dhe mundësisht të jetojnë këtu.

Qeveria greke ka një volum të madh projektesh që presin investime, nga të vogla e deri ato gjigande, nga sektori i pasurive të patundshme e deri te kompanitë e mëdha.

Programi ekonomik për "Të ardhurit", për të cilën Qeveria Mitsotakis ka thënë hapur se është frymëzuar nga operacioni i ngjashëm i nisur nga Roma zyrtare në vitin 2017, është histori e vjetër për shumë vende europiane. Për momentin, ai tashmë është aktiv në Mbretërinë e Bashkuar, Irlandë, Maltë, Itali dhe Qipro, secila prej të cilave po përpiqet të tërheq individë që i përkasin asaj që kritikët e kanë quajtur "klasa e mesme e ultra të pasurve". 

Sipas komentuesve më kritikë, sidoqoftë, programet e këtij lloji rrezikojnë "prishjen e kontratës sociale" në Europë. 

Taksa mbi të ardhurat është në të vërtetë burimi më i qëndrueshëm i të ardhurave publike në shtetet evropiane. Por kur ato reduktohen, si në rastin e mësipërm, shërbimet publike siç janë shkollat, spitalet dhe infrastruktura ka të ngjarë të preken seriozisht.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lugu: 10/12/2019 13:04

    Ne Vazhdojme ta SHESIM SHQIPERIA 1€....

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

24 Nëntor, 14:28