TIRANE - Përcjellja për në banesën e fundit të ish-të përndjekurit politik, Lirak Bejko nuk do të shkojë pa debate. Kreu i institutit të ish-të përndjekurve politik Simon Miraka ka bërë të qartë se do të hapen dyert për homazhe me kushtin që të mos lejohen përfaqësues të forcave politike, por vetëm presidenti Bujar Nishani.

Edlira Bejko, gruaja e të ndjerit, paralajmëron se nëse dyert e Institutit nuk janë të hapura për çdo qytetar apo çdo politikan që dëshiron të marrë pjesë në ceremoni, ajo nuk do të bëhet në këtë ambient.