‘Gruaja shqiptare u përdhunua 7 herë’, dëshmitarja e cila pa 50-vjeçaren pasi i ‘shpëtoi’ bullgarit trondit: Kishte plagë në fytyrë dhe sy të 'vrarë', policia u vonua

GREQI- Detaje tronditëse kanë dalë në sipërfaqe për përdhunimin e 50-vjeçares shqiptare teksa punonte si pastruese në një pallat, në zonën e Petralonas në kryeqytetin grek.

Një dëshmitare e cila e pa gruan 50-vjeçare gjysmë të zhveshur dhe me një fytyrë të “vrarë” ka folur për mikrofonat e mediave greke dhe zbuloi se shqiptarja i tregoi se ishte përdhunuar 7 herë.

“Jam e para e cila pashë 50-vjeçaren. Ishte gjysmë e zhveshur dhe me një fytyrë të shndërruar nga plagët, psikologjikisht ajo ishte shumë keq. E përdhunuan dhe e rrahën 7 herë. Ishte e vrarë në fytyrë.”, shprehet gruaja.

LEXO EDHE:
Ekspertiza konfirmon përdhunimin e 31-vjeçarit me probleme mendore në Elbasan! 44-vjeçari lihet në burg! Tjetri arrest shtëpie

Ajo tregoi edhe mënyrën si gruaja arriti të arratisej pas momenteve të gjata të tmerrit që përjetoi brenda apartamentit të 35-vjeçarit bullgar.

 “Gruaja arrti të dilte nga dritarja e ballkonit për të shpëtuar. Ndërkohë ai, përdhunuesi ishte brenda dhe bërtiste.”, tha ajo.

Ajo gjithashtu tha e revoltuar se policia nuk erdhi në kohë! U vonua dhe sipas saj kjo i ka dhënë mundësi përdhunuesit të largohej nga banesa.

Sipas dëshmitares e cila është një banore në pallatin ku banonte edhe 35-vjeçari me origjinë nga Bullgaria, zbuloi se ai ushtronte dhunë fizike dhe ndaj mamasë së tij, e cila për ironi të fatit ishte pastruese në profesion.

Ajo në fund të dëshmisë së saj mbi ngjarjen tha gjithashtu se kur komshiu i saj, zbuloi se ajo ndihmoj viktimën e tij kërcënoi atë dhe vajzën e saj.

“Ai tha se do të na mbyste. Policia na ka dhënë urdhër të qëndrojmë në shtëpi dhe mos të hapin dyer e as dritare. Po jetojmë me frikë”, tha ajo.

Ngjarja e rëndë ndodhi 1 ditë më parë teksa gruaja po pastronte pallatin, në të cilin shkonte një herë në javë.

Puna nisi zakonshëm për 50-vjeçaren, por gjithçka ndryshoi kur 35-vjeçari bullgar e tërhoqi, e dhunoi dhe më pas e përdhunoi 7 herë në apartamentin e tij, ku gruaja shqiptare qëndroi për disa orë pavarësisht përpjekjeve për të shpëtuar.

Autori, monster i cili arriti të arratisej është ende në kërkim.

Gra dhe vajza greke kanë dalë në protestë në mbështetje të gruas, me parulla nëpër duar dhe sloganin “Asnjëra nuk është vetëm”.

J.GJ./Shqiptarja.com

TAG:
• greqi
• perdhunim
• athine
• shqiptarja