/ATSH/ - Në kuadër të programit rajonal "Menaxhimi i ligatinave dhe ruajtja e pelikanit kaçurrel në pellgun e mesdheut" koordinuar nga Noé Conservation, Instituti për Ruajtjen e Natyrës në Shqipëri( INCA), zhvilloi sot një takimin me specialistë dhe struktura ambientaliste me temë: "Mbështetje e komunitetit të grave në aktivitete agrobujqesore".
Në takim u diskutuan tema të ndryshme si përmiresimi i jetës së komuniteteve përmes zhvillimit të aktiviteteve agrobujqësore, përfshirja e grave në bujqësine organike, bujqesia organike si perspektivë në zhvillim, punësimi i gruas e tema të tjera që lidhen me pjesmarjen e gruas në komunitet dhe administrim.