Gruaja u vetëvra me armën e shërbimit pas sherrit në oborr, gjykata e Durrësit liron bashkëshortin policin

DURRËS- Gjykata e Durrësit ka caktuar sot masën “detyrim paraqitje” për policin e portit Sherif Hajdari, i cili u arrestua një ditë më parë i akuzuar se shtyu drejt vetëvrasjes bashkëshorten e tij, Merita Hajdarin. Ngjarja ndodhi dy ditë më parë në oborrin e banesës së çiftit në lagjen nr. 7 të qytetit, në sy të kunatës së viktimës dhe të afërmve të tjerë.

Vendimi për policin është marrë pasditen e djeshme në një sallë të mbyllur pa prani mediatike. Arrestimi i tij nga Prokuroria e Durrësit është konsideruar i drejtë, por Gjykata e Durrësit ka vendosur të japë masën “detyrim paraqitje” pasi ka shqyrtuar të gjitha provat e mbledhura. Shqiptarja.com mëson se vendimi është marrë duke pasur parasysh edhe problemet shëndetësore të policit. Ai merrte ilaçe për zemrën dhe tensionin e lartë.

Referuar edhe dëshmive të të afërmve por edhe bashkëshortit, mësohet she sherri i nisur mes policit dhe bashkëshortes 47-vjeçare Merita Hajdari nuk kishte motive xhelozie. Gruaja e ka ndërmarrë aktin në një moment dobësie. Teksa diskutonin në oborr ajo ka hyrë në banesë, ka marrë armën e shërbimit të të shoqit dhe është vetëqëlluar në oborr.

LEXO EDHE:
Festat e fundvitit, turistët e huaj zgjedhin Vlorën për të kaluar pushimet: Është një vend i bukur

Duke pasur parasysh pozicionin e trupit të gruas, shenjave të barutit në duar dhe pozicionin e armës edhe shkencërisht u vërtetua se ishte vetëvrasje.

TAG:
• merita hajdari
• Shefki Hajdari

Sondazhi i ditës:

Si ka qene per ju viti 2024?

• I mire

  43.6%

• I keq

  22.6%

• As i mire as i keq

  33.8%

Vota total: 1563

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq