Në 17:30 gjithçka mbyllur deri të hënën/ Kamza dyndje në tregje! Pas raportimit të Report TV ndryshim '360 gradë' të situatës (VIDEO)

Si asnjëherë më parë java e Pashkëve e ka gjetur të zbrazët tregun e fruta perimeve në Korçë . Sot në tregun e Korçës blerësit i numëron me gishtat e dorës.

Shtetrrethimi total për dy ditët që pasojnë dhe Pashka ortodokse nuk kanë ndikuar aspak për rritje të fuqisë blerës,ndërsa për dyndje e rrëmujë nuk bëhet fjalë në këtë treg ku të vetmit që sheh janë tregtarët.

Mbërritja e Covid 19 ka ulur ndjeshëm fuqinë blerëse e cila nga dita në ditë pëson rënie të theksuar.

Sipas tregtarëve kjo situatë po iu sjell humbje të konsiderueshme në një kohë kur të ardhurat e vetme në familjet e tyre vijnë nga shitjet e fruta perimeve. Ata shtojnë se malli i tyre do kalbet duke mos justifikuar transportin e prodhimeve apo të qeseve shoqëruese.

Java e Pashkës në Korçë konsiderohet si një nga javët më të rëndësishme në qytet ,por ky vit si asnjëherë më parë e ka gjetur më të zbrazet se kurrë.

Ndërsa e shtuna dhe e diela do të sjellë mbyllje të tregjeve dhe dyqaneve në vend, Fieri nuk regjistron dyndje të qytetarëve. Nga një vëzhgim i bërë në tregje situata është normale, ka prezencë të policisë bashkiake, nuk ka radhë, ndërsa qytetarët janë të ndërgjegjësuar duke respektuar distancimin social. Në rrugë ka lëvizje të pakta automjetesh. Dhe pse në ditët e mëparshme ka patur rradhë nëpër bankat e ndryshme të qytetit, sot situata është normale.

Vetëm pak orë përpara mbylljes së orarit të kërkuar nga qeveria ditën e sotme në Elbasan situata është si një ditë e zakonshme. Gjatë një vëzhgimi të bërë në tregun ushqimor të qytetit, ka njerëz të shumtë, por jo vetëm këtu radhë janë regjistruar dhe në zyrat postare, ky numri i shtuar ka ardhur si pasojë e karantinimit të plotë në dy ditët e ardhshme. Dhe në tregun e Elbasanit pas mbylljes prej një muaji janë shtuar masat mbrojtëse ku çdo qytetar që futet në tregun e fruta-perimeve duhet të hyjë në tunelin e dezifektimit dhe më pas të vazhdoj për të blerë ushqimet. Nga ana e policisë bashkiake janë marrë masat që asnjë qytetar të mos hyj në treg pa vendosur maskat dhe dorezat. Ditën e sotme tregu është insepktuar nga Vjollca Braho Kryeinspektorja e Shëndetit Publik hde kryetari i bashkisë Gledina Llatja. Llatja gjatë inspektimit të bërë në treg pas masave të marra nga bashkia e qytetit u shpreh i kënaqur që qytetarët tashmë janë sensibilizuar. 

Pas denoncimit të Report Tv se në tregun Kamzës ka një dyndje të madhe qytetarësh, i menjëhershëm ka qenë dhe reagimi i policisë bashkiake dhe efektivëve të rendit ku është vënë re një një shtim i tyre.

Report TV solli video nga hyrja dhe në gjithë tregu, jo vetëm një kënd të tij, ku dalloheshin qartë se kishte dyndje të madhe qytetarësh që nuk respektonin distancën dhe ishin maska e doreza, por kjo nuk ishte pretendimi i kreut të Bashkisë Kamëz, Rakip Suli.

Suli, i cili ishte i pranishëm në inspektimin e tregut, pretendon se nuk është e vërtetë se nuk respektohet distanca, por se kamera e televizionit ishte vendosur në një kënd që dukej sikur kishte dyndje dhe nuk respektohej distanca.

Rakip Suli tha për gazetarin Arsen Rusta se ky treg nuk ka pasur problematike, por hapësira e këtij tregu nuk është shumë i madh.

Gjatë inspektimit të kreut të Bashkisë Kamëz së bashku me gazetarin Rusta, është premtuar nga Rakip Suli se të hënë në hyrje dhe në dalje të tregut do të vendoset tunel dezinfektimi.

" Nuk është problemi distancimi por vetë tregu është shumë i vogël. Për mua qytetarët duhet të ruajnë distancës. Po të shohësh ka plot forca policie në këtë moment. Nëse ka shkelje të individëve merren    masa administrative nga bashkia. Hyrja dhe dalja e tregut do të vendoset një tunel dezinfektimi. Deri tani nuk ka qenë e nevojshme pasi është respektuar nga qytetarët. Ne i kemi mbyllur tregjet e tjera dhe kemi mbajtur vetëm këtë për ta pasur në kontroll. Nuk ka pasur abuzime me çmimet", tha Suli.

Në lidhje me deklaratat e disa pensionistëve se kishin dalë për të blerë ilaçet, Suli Tha se "janë 280 pensionistë të vetmuar  janë verifikuar dhe u shërbehet me pazar e ilaçe."

Një qytetar, i cili po bënë pazarin në tregun e Kamëz pas maska e doreze, u shpreh për Report Tv se nuk i del buxheti që të bëjë vazhdimisht maska e doreza, ndërsa shtoi se lan vazhdimisht duart.

 "Nuk na dalin lekët të blejmë çdo kohë doreza e maska, o do blejmë ushqime o maska", tha një qytetar.

Situatë normale paraqitet në tregun e qytetit të Kukësit vetëm pak orë përpara mbylljes së orarit të kërkuar nga qeveria. Nuk ka grumbullime, ka më pak qytetarë, por ka dhe nga ata qytetarë të cilët janë pa maska e doreza. Në treg nga Inspektoriati Shtetëror Shëndetësor Kukes janë shtuar kontrollet në të gjithë tregun, së bashku me policinë bashkiake dhe task forcën e prefekturës Kukës.

Sipas ishsh vetëm 90% e qytetareve kuksianë zbatojnë masat mbrojtëse,  ndërsa tregtarët janë me maska e doreza por e kanë të vështirë disiplinimin e qytetarëve për distancimin fizik dhe qëndrimin në pullat e verdha të vendosura nga bashkia në treg.

Bashkia ka shtuar masat mbrojtëse në treg ku është vendosur tuneli dezinfektues në hyrje të tregut ku çdo qytetar dezinfektohet para hyrjes në treg. Në rrugët e qytetit ka lëvizje të banorëve dhe mjete dhe me pak grumbullime para bankave, farmacive e shërbimeve të tjera të lejuara.

Inspektoriati shtetëror shëndetësor për tre subjekte private ka vendosur gjoba për mos respektim të akteve normative për parandalimin e përhapjes së koronavirusit. Deri më tani Kukësi ka 9 raste me covid 19, 5 prej tyre personel mjekësor.

Kryeinspektori i Policisë Bashkiake, Faik Basha tha për gazetarin Arsen Rusta se fluksi ka ardhur vetëm ditën e premte për shkak të mbylljes së fundjavës, ndërsa në treg do të shtohen edhe tuneli i dezinfektimit dhe pikat e verdha të distancimit social.

"Ka një fluks në këtë orë dhe përfitojë t'ju bëhët  bëjë thirrje të gjithë qytetarëve të tregohen më të ndërgjegjësuar dhe të mos përfitojnë nga liria apo marrja e një leje dalje. Policia nuk mund të ruaj të gjithë qytetarët, ata duhet të ndërgjegjëson vetë. Në vijimësi do të vendoset tuneli i dezinfektimit dhe pikat e verdha. Sot ka fluks pasi dhe fundjava është e mbyllur", tha kryeinspektori Basha.

Prefekti i qarkut Vlorë Flamur Mamaj pas takimit me tregëtarë të tregut të Orizit ka reaguar mbi hapjen ose jo te tregut. Mamaj u shpreh se në kushtet aktuale tregu nuk plotëson kushtet higjeno-sanitare. Sipas Mamajt ka qenë Komisioni i Mbrojtjes Civile i cili ka vendor mbylljen e tregut si shkak i kushteve që nuk plotëson kushtet e një tregu normal.

Është e vertetë që ka ardhur një përfaqësi e tregtarëve të tregut të orizit. Ju bëra me dije se mbyllja e tregut ka ardhur si rezultat I vlerësimit nga specialistët të AKU dhe inspektoriatit shëndetsor. Tregu i orizit është mbyllur si shkak se në kushtet e pandemisë nuk kishte kushtet për të qenë një treg normal. U kam kërkuar tregtarëve që të respektojnë vendimin e komisionit të Mbrojtes civile. Nuk kemi vendosur anjsë afat se kur do të hapet tregu pasi kushtet kur ndodhemi duhet të repektojmë të gjitha kriteret. Tregatrët të ruajnë qetësinë dhe të ndjekin të gjitha rrugët që çdo qytetar ka të drejtë të ndjekë dhe jo me tubime massive. Nuk janë të vërtetat pretendimet se një tregtar e prish këtë situatë.

Në lidhje me vendimin se kur do të hapet tregu Mamaj theksoi se tregu mund të hapet pas plotësimit të kushteve të kërkuara.

Do të jetë një vendim I Komisionit nëse do të happen magazinat apo ajo. Ne në kushtet që ndodhemi nuk  duhet të lejomë që tregu I fabrikës së orizit të bëhet vatër infeksioni. Afati do të vazhdojë deri në plotësimin e kushteve të kërkuara.

Hyrja e tregut të Kamzës distanca dhe mungesa e mbrojtjes me maska neglizhohet. Gazetari i Report TV,  Arsen Rusta shprehet në këtë treg mungojnë pikat e verdha dhe tuneli i dezinfektimit.

Pas denoncimit të Report TV se këtu nuk ka asnjë masë, janë venë re edhe shtim i efektivëve të policisë bashkiake dhe forcat e rendit, që u bëjnë thirrje për distancim social, por duket se qytetarët edhe pse e bëjnë atë në sy të policit, grumbullohen në një tjetër tregtar apo rrugicë ku bëjnë pazarin.

Shumica e qytetarëve shprehen se nuk kanë frikë nga virusi, apo se kanë harruar të vendosin maskat.

Një pensioniste e cila ka bërë pazarin dhe blerë ilaçet shprehet se nuk ka dalë  nga shtëpi, por sot ishte e detyruara pasi nuk kishte kush ia sillte ushqimet dhe ilaçet që i duheshin.

"E di nona që nuk lejohet me dal, por sot dola se në shtëpi nuk më kanë ardhur. Frikë kam , por kam një muaj pa dal vetëm sot dola nga halli", shprehet për gazetarin Rusta një pensioniste.

"Kam dalë për ilaçet, bashkia na ndihmon, por sot do i blejë vetë", tha një pensioniste.

"Mora ilaçet e plakut, nuk kemi fëmije, janë jashtë të bllokuar", shprehet një pensioniste tjetër.

Tregu i Kamzës kthyer në një problematikë për respektimin e masave të COVID-19. Ditën e premte, qytetarët janë dyndur për të bërë pazare, ku duket qartë se asnjë lloj distancimi fizik nuk respektohet dhe shumica e qytetarëve janë pa maska. Kamera  e Report Tv shfaq pamje të tmerrshme në tregun e fruta-perime, duke e kthyer atë një në rrezik potencial për burim infeksioni.

Ajo që vihet re është edhe mungesa e efektivëve të policisë për të këshilluar por dhe ruajtur distancat mes qytetarëve.

Dita e premte shënon dhe ditën e fundit për të bërë pazaret pasi fundjava është e mbyllur dhe kjo shënon një arsye më shumë që qytetarët të grumbullohen në mënyrë masive duke rrezikuar jetën e tyre por dhe të të tjerëve.

Ashtu si tregu i Zdrale në Shkodër i cili u mbyll, edhe tregu i Kamzës në Tiranë tregon momente tepër të rrezikshme për përhapjen e COVID-19, gjë për të cilën qytetarët ende nuk duken të ndërgjegjësuar për ruajtjen e distancës, higjienës por dhe mbajtjes së maskave.

Ajo që vihet re është se në fakt çdo fundjavë jo vetëm në tregun e Kamzës, sjell grumbullime masive të njerëzve që nuk respektojnë distancat dhe masat e vendosura nga qeveria.

Mosrespektimi i distancës në Kamëz vihet re edhe në markete e rrugë mes qytetarëve, të cilët duken të patrazuar që lëviznin aq afër duke mos kuptuar rrezikun real që iu paraqitet.

Tregtarët e tregut të Orizit në Vlorë, të mbyllur nga bashkia pasi nuk respektonte masat e distancimit social duke u kthyer në një burim infeksioni për COVID -19, kanë protestuar sërish ditën e sotme. Ata janë vendosur sot para prefekturës për të marrë përgjigje se kur do të hapet tregu dhe çdo të bëhet me mallin e tyre. Tregtarët ankohen se ato nuk janë lajmëruar më herët nga policia se tregua do të mbyllet dhe për këtë malli i blerë po hidhet rrugëve. Ata thanë se Rama duhet t'u japë një pagë lufte nëse tregu nuk hapet, në të kundërt do të shtihen në rrugë.

"Të na kishin thënë më përpara, këta erdhën pa lajmërim fare. Të thoshin merrni masat se tregu do mbyllet. Kemi blerë gjithë atë mall", tha një tregtare.

"Me çfarë do ushqehemi, e shumta dy ditë u duhet për të vendosur masat dhe tregu të hapet. Asnjë nuk na kanë thënë, nuk po gjejmë një zgjidhje një përgjigje", tha një tjetër tregtare para prefekturës.

"Nëse bashkia për dy apo tre ditë plotëson kushtet do të hapet tregu. Nëse këta e hedhin topin sa andej këndej, atëherë ne nuk do dalim të shkrihem rrugëve pa pyetur se është virus apo jo pasi nuk kemi çfarë të bëjmë, në të kundërt kryeministri të na japë një pagë lufte, nuk kemi çfarë të bëjmë", shprehen tragtarët pas takimit me prefektin.

Tregu i Orizit u mbyll më 15 prill nga bashkia e Vlorës, kërkuar nga AKU pasi nuk respekton masat dhe kushtet higjienike. Për tregun u tha se do të vendoset të gjitha masat e duhura për të mbrojtur qytetarët nga COVID-19 dhe më pas do të hapet sërish, por tregtarët shprehen se kjo gjë po vonohet dhe se ashkush nuk mban përgjegjësi.

Mungesa e kushteve higjienike, mosrespektimi i distancës dhe grumbullimet e qytetarëve apa asnjë lloj mase ka bërë që tregu i fruta-perimeve në Krujë të mbyllet mëngjesin e sotëm.

Në orët e para të mëngjesit, ka pasur një dyndje tepër të madhe të qytetareve për të bërë pazaret, duke qene se e shtuna dhe e diela janë të mbyllura për çdo lloj aktiviteti dhe banorët janë të ndaluar të dalin nga shtëpitë.

Grumbullimi masiv i njerëzve në treg por dhe shtimi i rasteve me COVID-19 në qytetin e Krujës ka bërë që bashkia të marrë masa për mbylljen e tregut.

Në qytetin e Krujës numërohen 7 raste pozitive të prekura me COVID-19.

Foto sot te tregu i Krujës