Grumbullimet e Bashës, Rama nga Lezha: Japin shembullin më të keq të mundshëm! Opozita nuk ka karakter dhe kjo mëshirohet tek lidershipi i tyre

 

Nga Lezha, kreu i qeverisë Edi Rama ka vënë sërish theksin tek grumbullimet që po bën opozita në kuadër të fushatës elektorale, duke shkelur masat anti-COVID. Me këtë formë grumbullimesh sipas, Ramës opozita po jep shembullin më të keq, të mundshëm, ndërkohë që e para gjë që duhet të bëjë është të japë një shembull të mirë duke respektuar ligjin.

Rama nënvizoi se politika sipas tij nuk është çështje programesh, por është forcë karakteri dhe opozita këtë gjë nuk e ka.

‘Meriton një falenderim për ndjeshmërinë e shprehur gjithë politika do të ishte shumë mirë që të njëjtën ndjeshmëri të kishin çdo ditë sidomos në këtë ditë të ku bota përballet me kërcënimin e njerëzve tanë të dashur. Ajo që na takon është të bëjmë atë detyrë të thjeshtë të mos shkelim ligjin, të mos shkelim rregullat të mos shkelim kufirin etik të njerëzore për politikë dhe për vota duke i vënë njerëzit në rrezik dhe duke krijuar vatra infektimi përmes grumbullimeve absurde të papërgjegjshme që tregojnë se në fund të ditës politika nuk është çështje programesh, idesh dhe fjalësh është çështje karakteri dhe karakterin o e ke o nuk e ke, ato nuk e kanë. Ato kanë një karakter të dobët që mishërohet në lidershipin e tyre.

Ato japin shembullin më të keq të mundshëm, më absurd të mundshëm ndërkohë që e para gjë që duhet të bëjmë ne të japim një shembull shumë të mirë, në gjërat e thjeshta. Ne e kemi humbur trenin e historisë, pasi nuk e kemi zakon që tu kushtojmë rëndësi gjërave të vogla dhe pastaj humbim kohë pa fund në dëm të gjërave të mëdha. Kombet e mëdha fitojnë beteja me gjëra të vogla, dhe kjo është një pikë dalluese shumë e madhe. Ne nuk i zgjedhim kundërshtarët. Më i miri ndër të kqinjtë, i kemi aty, ajo që ne mund duhet dhe do të bëjmë është që të përpiqemi të bëjmë zgjedhjet më të mira të mundshme kur marrim vendime dhe kur zgjedhim njëri tjetrin. Ne kemi bërë një zgjedhje shumë të mirë dhe të qartë, që njerzit tanë të jenë të mbrojtur. ‘- tha Rama.

Lajmi kryesor:

Rama: Mos t’ju shkojë mendja për vaksina, nëse PD kthehet në pushtet! Luli si Gjino, 'dhëndër' të marrim 'nusen' për Metën, Berishën dhe Monikën! (1 minutë heshtje për Bashkim Finon)

M.Q./r.k./Shqiptarja.com

TAG:
• edi rama
• pjerin ndreu
• Lezhe
• Fushate elektorale
• zgjedhjet parlamentare 2021