POP 5

Lajmet më të lexuara të 5 minutave të fundit

Kronikë

SPAK goditi organizatën kriminale të Suel Çelës, lihen në fuqi 20 masat e sigurisë, ndryshon vetëm për avokaten e grupit! Ja emrat e 4 të kërkuarve (VENDIMI)

Gjykata e Posaçme ka lënë në fuqi masat e sigurisë arrest në burg për 14 anëtarët e grupit kriminal që drejtohej nga Suel Çela. Masa ndryshoi për avokaten Blerina Beqirin, nga arret shtëpie në detyrim paraqitje. Ndërkohë masa detyrim paraqitje mbetet në fuqi edhe për gazetarët Elton Qyno dhe Artan Hoxha. Dosja ka 21 persona nën procedim

Tiranë- Gjykata e Posaçme jep masat për 21 personat e dyshuar të dosjes së SPAK për përgjimet e SKY ECC për bandën e Elbasanit, të drejtuar nga Suel Çela.

Gjykata e Posaçme ka lënë në fuqi masat e sigurisë arrest në burg për 14 anëtarët e grupit kriminal që drejtohej nga Suel Çela. Masa ndryshoi për avokaten Blerina Beqirin, nga arret shtëpie në detyrim paraqitje.

Në burg u la edhe ish-gjyqtarja e Elbasanit, Pajtime Fetahu, lidhje e ngushtë e Çelës duke i dhënë vendime gjyqësore në favor apo duke ndikuar tek të tjerët për favorizime. Gjithashtu edhe ish-komisari i Kombinatit, Dedan Gjoni, i arrestuar kohë më parë dhe dënuar për një dosje tjetër, gjithashtu dhe nën proces për 'Metamorfoza 2" me ish-kryepolicin Erzen Breçani. Kjo është dosja e tretë për Gjonin.

4 nga personat, përfshi Suel Çelën (Marjus Lulaj), janë ende në kërkim dhe masa u dha në mungesë. Në total tani ka 3 masa detyrim paraqitjeje, 4 masa me burg në arrati dhe 14 masa me burg që janë të arrestuar.

Ndërkohë masa detyrim paraqitje mbetet në fuqi edhe për gazetarët Elton Qyno dhe Artan Hoxha. GJKKO ka vendosur që Hoxha të paraqitet të hënën e parë të çdo muaji, në orën 13:00 dhe Qyno të martën e parë të çdo muaji, po në të njëjtën orë.

Qyno është nën akuzë për korrupsion pasiv në sektorin privat, ndërsa Artan Hoxha ka akuzën e rëndë si pjesëmarrës në organizatë kriminale.

Masat e kërkuara më herët nga SPAK dhe të vendosura paraprakisht nga GJKKO, janë konfirmuar sot (27 Nëntor).

Operacioni nisi më 25 Nëntor nga ana e SPAK dhe Policisë me ekzekutimin e masave të GJKKO për 21 personat e dyshuar, kryesisht në Tiranë dhe Elbasan, ndërsa disa prej tyre rezultojnë të arrestuar në Belgjikë dhe Itali, ose edhe kohë më parë për çështje të ndryshme.

Në burg do vijojnë të qëndrojë: 
-Mario Çela (i arrestuar në Belgjikë më parë për vepër tjetër penale)
-Xhino Roka
-Klaus Matishi
-Sergei Hasanpapaj (arrestuar në Belgjikë)
-Bruno Azizolli
-Ledio Zabeli
-Marsel Roka
-Ado Xhika
-Metin Mehja
-Renato Hasani
-Pajtime Fetahu
-Dedan Gjoni
-Bujar Shega (i arrestuar në Itali)
-Hajdar Lala
-Vijojnë në kërkim me masë sigurie arrest në burg
-Suel Çela
-Prekë Kodra
-Fuad Verzivolli
-Skënder Sufaj
-Detyrim paraqitjeje:
-Artan Hoxha
-Elton Qyno
-Blerina Beqiri (avokatja)

 

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • xhemal: 27/11/2024 13:54

    Lirojni keta se Jane 100 here me te mire se saliu

    Përgjigju
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

'Pres shumë nga vota e diasporës', Fatos Klosi: Në Shqipëri nuk ka të majtë e të djathtë! Ka shefa partish, me Berishën dhe Ramën

'Pres shumë nga vota e diasporës', Fatos Klosi: Në Shqipëri nuk ka të majtë e të djathtë! Ka shefa partish, me Berishën dhe Ramën

14 Janar, 19:48