TIRANE- Amiran Dzanashvili, njeriu që bleu me mbi 1.4 milion euro 50 për qind të aksioneve të Mark Frrokut në kompaninë e bansteve sportive “Xhoi Lloto”, njihet në Rumani si pronari i dhjetërave kompanive, disa kazinove në Bukuresht dhe hoteleve luksoze. Duke ju referuar mediave Rumune, Dzanashvili gjatë vitit 2014 është bërë pjesë e një grupi kriminal që drejtohej nga shtetasi Sile Camataru, i cili menaxhonte disa prostittuta të klasit të parë.

Hetimet e kryera nga prokurori rumune kanë zbuluar se blerësi i aksioneve të deputetit Mark Frroku, kishte pranuar të vinte në dispozicion ambjentete e kazinove dhe hoteleve të tij, ku prostitutat ushtronin aktivitetin pa rënë në sy. Grupi funksiononte vetëm me klientelë të huaj të cilët për çdo marëdhënie seksuale me prostitutat duhet të paguanin një shifër prej 100 euro, 700 deri në 1 mijë euro.