POP 5

Lajmet më të lexuara të 5 minutave të fundit

Kultura

Guida kulturore/ Koncerti ‘Side-by-Side’ në TKOB, shfaqja ‘Linda’, premierë në Teatrin Kombëtar! Mbahet Kuvendi Kombëtar për Gjuhën Shqipe

Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit

“Side-by-Side” me Schumann & Strauss është koncerti që do të vijë këtë të premte më 22 nëntor në orën 19:00 në hollin e Teatrit Kombëtar të Operës dhe Baletit. Pjesë e këtij program të interpretuar nga sopranoja Besa Llugiqi dhe pianisti Misbah Kaçamaku janë këngët Lieder, një formë muzikore që përqendrohet në ndërthurjen e fjalës me tingullin. Përmes tyre, publiku do të zbulojë poezinë e Schumann-it dhe interpretimin dramatik të Strauss-it.

“Linda” është shfaqja që vjen premierë në Teatrin Kombëtar këtë të premte në 22 nëntor në orën 19:00. Shfaqja nga Penelope Skinner vjen nën regjinë e Violeta Trebickës do të shfaqet edhe në 23 dhe në 24 nëntor.

“Realizmi Socialist” është ekspozita imersive që çelet më 22 nëntor në orën 19:00 në “Galerinë e Arteve Digjitale” në Korçë. Në këtë ekspozitë veprat monumentale të realizmit socialist marrin frymë përmes fuqisë dhe optikës bashkëkohore digjitale.

Manifesto “Great Ëave” është një projekt nga Qendra e Artit Bashkëkohor Debatik, që prezantohet këtë të premte në 22 nëntor, në orën 18:00 në Galeria “Zeta Contemporary Art Center”. Manifesti është një projekt multidisiplinar që mbledh së bashku artistë, kuratorë, historianë, arkitektë, shkrimtarë, teoricienë kulture etj.

Qendra Kombëtare e Kinematografisë ka hapur thirrjet për konkurrim për filma artistikë me metrazh të shkurtër, dokumentarë dhe filma të animuar.

Thirrjet do të qëndrojnë të çelura deri më 3 dhjetor dhe dorëzimi i projekteve mund të bëhet gjatë kësaj periudhe prej orës 8:00 të mëngjesit deri në orën 16:30.

“Arti Bashkëkohor Kosovar në Kohën e Inteligjencës Artificiale” është aktiviteti që mbahet këtë të premte më 22 nëntor orën 17:00 në teatrin “Aleksandër Moisiu” në Durrës. Të pranishmit mund të angazhohen në një bisedë dhe të shohin ekspozitën e artistit Eshref Qahili. Aktiviteti është pjesë e Bienales Ndërkombëtare të Artit Bashkëkohor.

“Tulla Culture” Tiranë. Të premten, më 22 nëntor, në orën 19:00 vjen shfaqja e parë e Platformës TULLA – LAP! Në Qendrën Tulla në Tiranë mund të ndiqni ekspozitën “Rrëmujë”  nga Llazar Dhimitri, “Mozaikët me fëmijët”- një prezantim nga artistët Saimir Strati dhe Aurora Strati, një teatër poetik nga Ina Baqoshi etj.

Më 22 nëntor, në Ditën e Alfabetit të Gjuhës Shqipe, në sallën “Tonin Harapi” të Liceut Artistik, ora 19.00 mund të ndiqni një aktivitet artistik të titulluar “Harmonia e Lirisë”. Shfaqja është konceptuar si një skenografi me piktura, poezi të zgjedhura dhe melodi zemre!

Në 21 dhe 22 nëntor, duke filluar prej orës 9:30 mbahet Kuvendi Kombëtar për Gjuhën Shqipe. “Sfidat e Gjuhës Shqipe në shekullin XXI” do të mbledhë gjuhëtarë, studiues, përfaqësues të shtetit dhe nga Ministria e Arsimit, për të diskutuar për çështje dhe problematika të gjuhës shqipe në ditët e sotme.

S.B/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu