LA LIGA - Mesfushori Ilkay Gundogan duket gjithnjë e më larg Barcelonës. Sipas asaj që bëhet me dije nga mediat në Spanjë, Gundogan është në negociata për një kalim të mundshëm në Arabinë Saudite me ekipin Al Nassr ku luan edhe Kristiano Ronaldo.
Sa i përket financave, Barça do ishte e gatshme ta linte të lirë Gundogan për të shkuar në Arabi me një shifër të kënaqshme.
Vetë Gundogan nuk duket se dëshiron vazhdimin e aventurës së tij në Katalonjë, pasi u transferua një vit më parë me parametra zero nga Manchester City.
![](https://shqiptarja.com/template/img/NO_ALFA_Kuadrate shqiptarja.png)
Lojtari ka folur me trajnerin Hansi Flick i cili i ka pohuar se nuk është titular në projektin e tij. Megjithatë mesfushori po shikon edhe mundësinë e rikthimit tek Manchester City, ndërsa ka patur edhe një propozim konkret nga skuadra turke e Galatasaray.
Merkato është drejt fundit dhe Gundogan do duhet të marrë një vendim së shpejti lidhur me të ardhmen e tij, me gjasë larg Barcelonës.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)