POP 5

Lajmet më të lexuara të 5 minutave të fundit

Ekonomi

Guvernatori Gent Sejko: Ekonomia drejt përmirësimit, rritja 5.3% këtë vit

Muajit e parë të këtij viti kanë dhënë sinjale pozitive për ekonominë e vendit, kjo ka bërë që Banka e Shqipërisë të rishikojë parashikimet për rritjen e këtij viti. Guvernatori Gent Sejko ndryshe nga parashikimi fillestar për rritje 4.9% tani më pret rimëkëmbje 5.3%.

Ekonomia e vendit ka nisur të japë rezultatet e para drejt rimëkëmbjes. Guvernatori i Bankës së Shqipërisë tha në konferencë për mediat se pritshmëritë për rritjen ekonomike kanë ndryshuar pasi edhe rikuperimi në muajit e parë të vitit ka qenë mbi pritshmëritë.

“Informacioni i ri ka qenë përgjithësisht në përputhje me pritjet tona, ndonëse rritja e aktivitetit ekonomik ka qenë disi më e lartë se to dhe norma e inflacionit kanë qenë disi më e ulët. Rritja ekonomike do të jetë mbi nivelin 5%, ndryshe nga analiza e kaluara ku ishim në një parashikim 4.9%, në këtë parashikim tashmë jemi në 5.3% rritje ekonomike që do të vijë nga disa faktorë, siç është sezoni i mirë veror, rritja e konsumit, e investimeve si dhe kreditimi i ekonomisë”, u shpreh Sejko.

Sejko bëri të ditur se deri në tremujorin e tretë të këtij viti do të jenë në fuqi masat lehtësuese për të siguruar një rimëkëmbje të shpejtë. Deri në përmirësim të dukshëm të situatës norma bazë  e interesit do të jetë 0.5%.

“Këshilli gjykon se politika monetare duhet të vijojë të mbetet në kahun lehtësues”, tha Guvernatori.

Ndërkohë ndryshe nga parashikimet në muajin mars është regjistruar ulje e kredive me probleme.

“Në muajin mars 2021, treguesi i kredive me probleme zbriti nën nivelin 8%, duke regjistruar vlerën më të ulët të regjistruar prej vitit 2009”, tha Sejko.

Në muajit e parë të këtij viti kredia për sektorin privat njohu një rritje mesatare vjetore prej 7.5% në tremujorin e pare, dhe sipas guvernatorit rritja e kredisë për qëllime investimi do ndikojë edhe në rritjen ekonomike.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46