POP 5

Lajmet më të lexuara të 5 minutave të fundit

Kosova & Rajoni

Haga ul dënimet për krime lufte
në Kosovë të tre zyrtarëve serbë

Gjykata për krime lufte në hapësirat e ish-Jugosllavisë ka ulur sot dënimet për tre ish-zyrtarë të lartë serbë, të shpallur fajtorë për krime të kryera ndaj shqiptarëve të Kosovës në vitin 1999. 
HAGË- Gjykata ndërkombëtare për krime lufte në hapësirat e ish-Jugosllavisë ka ulur sot dënimet për tre ish-zyrtarë të lartë serbë, të shpallur fajtorë për krime të kryera ndaj shqiptarëve të Kosovës në vitin 1999. 
Ish-nënkryetari i qeverisë jugosllave, Nikola Shainoviç, gjeneralët e ish- Ushtrisë Jugosllave, Nebojsha Pavkoviç dhe Vlladimir Lazareviç, si dhe ish gjenerali i policisë serbe Sreten Lukiç, qenë dënuar në shkurt të vitit 2010 me nga 15 deri 22 vjet heqje lirie, për fushatën e vrasjeve, torturave dhe dëbimit masiv të shqiptarëve të Kosovës gjatë vitit 1999.

Nikola Shainoviçit, i cili qe dënuar me 22 vjet heqje lirie, gjykata sot i uli dënimin në 18 vjet. Sreten Lukicit në 20 nga 22 sa ishte dënuar fillimisht dhe Vladimir Lazareviçit, nga 15 në 14 vjet heqje lirie.

I pandryshueshëm mbeti dënimi prej 22 vjetësh për ish-gjeneralin Nebojsha Pavkoviç.

Në aktakuzën e njëjtë, kishte qenë i përfshirë edhe ish- presidenti i Serbisë Milan Millutinoviç, i cili qe shpallur i pafajshëm, ndërsa ish- shefi i ushtrisë serbe, Dragolub Ojdaniç, ishte liruar vitin e kaluar, pasi kishte mbajtur dy të tretat e dënimit prej 15 vjetësh.

Vendimi i sotëm i Gjykatës së Hagës, nxiti zemërimin e familjarëve të personave të zhdukur gjatë luftës në Kosovë. Kryetarja e organizatës “Thirrjet e Nënave” në Gjakovë, Nesrete Kumnova, tha se me këtë vendim “është shkelur populli i pafajshëm shqiptar”.

Redaksia online
(e.sh/shqiptarja.com)

/Shqiptarja.com
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01