TIRANW- Krerët e politikës shqiptare janë shprehur në mbështetje të Presidentit të Kosovës Hashim Thaçi, i cili këtë të enjte dha dorëheqjen pas konfirmimit të aktakuzës nga gjykata e Hagës. Presidenti Meta tha se vlerëson dorëheqjen e Thaçit.
Kryeministri Rama i siguroi Thaçit mbështetjen dhe solidaritetin e Shqipërisë, duke e konsideruar procesin gjyqësor të nisur ndaj tij absurd.
Një reagim i gjatë erdhi edhe nga kreu i PD, Lulzim Basha i cili tha se asnjë shqiptar i Kosovës nuk i është fshehur drejtësisë për luftën e drejtë të UÇK.
Kryetari i Bashkisë së Tiranës, Erion Veliaj ka reaguar pas dorëheqjes së Thaçit dhe nisjes së tij drejt Hagës, për të cilin thotë se si luftoi për lirinë dhe se historia as ndryshohet dhe as harrohet.
‘Lufta për çlirimin e Kosovës ishte akti i drejtë i një populli që kërkonte liri nga masakrat dhe gjenocidi gjakatar i Millosheviçit. Hashim Thaçi, ashtu si UÇK-ja, luftoi për lirinë dhe përparimin e Kosovës! Historia as mund të ndryshohet, por as mund të harrohet’, shkruan Erion Veliaj në Facebook.
Pas marrjes së Hashim Thaçit dhe Kadri Veselit si të pandehur për krime lufte nga Gjykata e Hagës, ka reaguar edhe kryetarja e Lëvizjes Socialiste për Integrim, Monika Kryemadhi, e cila shprehet ata nuk iu trembën Millosheviçit dhe se nuk ka drejtësi që mund t’i ulë dinjitetin e asaj që përfaqësojnë.
“Djemtë dhe vajzat e Kosovës së pafajshme u përfshinë në një luftë të padëshiruar, e certifikuar si e drejtë nga drejtësia ndërkombëtare dhe që u kurorëzua me pavarësinë e Kosovës. Ata që nuk ju trembën Millosheviçit nuk ka drejtësi që mund t'i ulë dinjitetin për atë që përfaqësojnë. Si edhe më parë, shpreh bindjen e palëkundur se e drejta do të triumfojë përsëri!”, shkruan Kryemadhi, e cila postin e saj e shoqëron me një foto ku thuhet ‘Liria e ka emrin UÇK’
Kreu i PD-së, Lulzim Basha është shprehur i bindur në pafajësinë e ish- presidentit të Kosovës, Hashim Thaçi.
"Lufta e Ushtrisë Çlirimtare të Kosovës ishte një luftë e drejtë përballë agresionit dhe krimeve kundër njerëzimit e spastrimit etnik që regjimi kriminal i Millosheviçit po kryente ndaj popullsisë së pambrojtur në Kosovë. Anëtarët e UÇK-së, pjesëmarrës në këtë luftë të pabarabartë, janë përballur e kanë dalë faqebardhë ndaj akuzave të ndryshme që janë ngritur ndaj tyre. Të tjerë luftëtarë po përballen sot.
Jam i bindur se edhe ata, që nga presidenti Hashim Thaçi, kryetari i PDK Kadri Veseli, ish kryetari i Kuvendit Jakup Krasniqi e luftëtarë të tjerë të UÇK-së, do t’i faktojnë drejtësisë dhe mbarë botës se aktakuzat ndaj tyre janë të pabaza.
Askush nuk mund të barazojë viktimën me agresorin. Askush nuk mund të barazojë luftën e drejtë të UÇK-së për dinjitet njerëzor dhe liri, me masakrat dhe genocidin e ushtruar nga hordhitë kriminale të Millosheviçit ndaj popullsisë civile të Kosovës.
Lufta e UÇK-së pati në krah të saj Aleancën e Atlantikut të Veriut me në krye SHBA, sepse ishte një luftë e drejtë. Shqiptarët patën në krah dhe mbrojtje të tyre të gjitha vendet demokratike të botës sepse ndaj tyre po kryeheshin krimet më çnjerëzore.
Asnjë shqiptar i Kosovës nuk i është fshehur drejtësisë por është përballur dhe ka ngadhnjyer. Jam i bindur se edhe këtë herë e vërteta do të ngadhnjejë dhe se asgjë nuk do mund të përbaltë luftën e drejtë të UÇK për liri", shkruan Basha.
Kryeministri Edi Rama ka reaguar pasi presidenti i Kosovës Hashim Thaçi dhe dorëheqjen dhe njoftoi se Gjykata e Hagës i ka konfirmuar akt-akuzën për krime lufte ndaj tij.
"Hashim Thaçi ka gjjithë mbështetjen e solidaritetin e Shqipërisë në këtë betejë të radhës për Kosovën dhe për drejtësinë e pacënueshme të Luftës Çlirimtare! Procesi absurd ndaj tij do të vulosë përfundimisht pastërtinë e UÇK-së dhe pamundësinë për ta rishkruar historinë e saj", shkruan Rama.
Pasi presidenti Hashim Thaçi dha dorëheqjen sepse iu konfirmuar nga Haga akt akuza, vjen reagimi i presidentit Ilir Meta.
"Lufta e Ushtrisë Çlirimtare e Kosovës ka qenë e drejtë dhe heroike.
Vlerësimi i aktin e dorëheqjes së Presidentit të Republikës së Kosovës, Hashim Thaçi, për të ndihmuar ballafaquar me akuzat dhe besoj në pafajësinë e Tij të gjithë bashkëluftëtarëve, sikundër konfirmohet edhe në kalimin e kohës.
Ky është një moment reflektimi për të forcuar më shumë aftësi dhe unitet, në interesin më të mirë për një kombëtar", shkruan Meta.
Lajme të tjera
-
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01
