POP 5

Lajmet më të lexuara të 5 minutave të fundit

Politikë

Lajme nga emisionet

Haklaj: Basha, burri që e kanë prerë më së shumti në besë bashkëpunëtorët! Caca: Ai s’di të fitojë! Karaj: Ku mendon ai se jeton në Danimarkë apo Holandë?

Situata në Partinë Demokratike, se kujt i përket, Sali Berishës, Lulzim Bashës apo Enkelejd Alibeaj, është kryefjalë e zhvillimeve politike në vendin tonë, prej ditësh.

TIRANË- Situata në Partinë Demokratike, se kujt i përket, Sali Berishës, Lulzim Bashës apo Enkelejd Alibeaj, është kryefjalë e zhvillimeve politike në vendin tonë, prej ditësh. Të ftuarit në ‘Repolitix’ kanë ndarë mendime të ndryshme, ku disa qëndrojnë krah Bashës, siç është ish-deputeti Azgan Haklaj, e ndërsa ka edhe zëra kundër tij.  

“Basha është ndryshe, po ndërton një parti me njerëz të tjerë, është i pari politikan që kërkoi ndarjen nga Non Grata. Burri që e kanë prerë më së shumti në besë nga bashkëpunëtorët në historinë e pluralizmit”, tha Haklaj.

 “Kur ka dalë Basha që të qartësonte bazën për vendimin që shpalli Non Grata Berishën, ku mendon se jeton në Danimarkë apo Holandë? Ky është gabimi më i madh që i bëri”, tha juristi, Leonard Karaj.

“Nuk di të fitojë, nuk ka një strategji të thjeshtë dhe për sa kohë nuk e sjellë në pushtet forcën politike, ai ka ikur se nuk arriti të fitojë”, tha juristi Përparim Caca .

“PD nuk ka kryetar të zgjedhur, ka ushtrues të detyrës që është Alibeaj, ai nuk është kryetar i zgjedhur në momentin që do të qartësohet situata juridike, partia në zgjedhje, tani nuk mund të shkosh në zgjedhje”, u shpreh avokati, Rezart Kthupi. 

Ditën e sotme  grupi i Enkelejd Alibeajt hoqi dorë nga ankimimi për bashkimin e 2 statuteve të Kuvendit të 17 Korrikut dhe 18 Dhjetorit në mënyrë që t’i hapet rrugë në Apel gjykimit të vendimit të Agron Zhukrit se cili prej grupeve do të jetë në krye të Partisë më të madhe opozitare në vend. Nëse vendimi i Zhukrit cilësohet i drejtë atëherë kontrollin e PD-së e merr Sali Berisha, nëse Zhukri rrëzohet atëherë Partia Demokratike i takon Enkelejd Alibeajt dhe Berisha e mbështetësit e tij mbeten pa parti.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 18/01/2023 02:55

    Ironike, por demokratet po e trajtojne Bashen jo si person i zgjedhur per ide e lidership (nese i ka patur keto cilesime ndonjehere),por si kale gare ne /Churchill Downs/.//Nuk di te fitoje...//-thote Caca!!!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33