Hakmarrja e familjarëve të Mateos? Digjet shtëpia e Klodian Çalamanit që vrau 8-vjeçarin në Fier (VIDEO)

FIER- Shtëpia e Klodian Çalamanit, në Grecalli të Fierit i cili vrau 8-vjeçarin Mateo Vasiu dhe e groposi në oborrin e banesës, është djegur. ‘Report Tv’ ka siguruar pamje nga shtëpia e 39-vjeçarit ku gjithçka është shkrumbuar.

Ende nuk dihen shkaqet e kësaj ngjarje, por pista kryesore dyshohet se mund të jetë një hakmarrje e familjarëve të fëmijës së mitur të cilët jetojnë pranë banesës së Çalamani.

"Në fshatin Grecalli, Fier, ka marrë flakë dhe është djegur pjesërisht banesa e shtetasit K. Ç., 39 vjeç. Grupi hetimor po punon për përcaktimin e shkaqeve të rënies së zjarrit", njofton policia.

Pas vrasjes makabre të 8-vjeçarit Mateo Vasiu më 16 nëntor nga Klodian Çalamani, e cili e goditi dy herë më kazmë pas koke dhe e groposi në shtëpinë e tij, familjarët e revoltuar kërkojnë drejtësi, ndërsa kanë nisur edhe fimosjen e një peticioni në të gjithë qytetin ku kërkojnë rikthimin e dënimit me varje.

Si ndodhi ngjarja?
Ka qenë nëna e të miturit, Florida e cila në orën 15:30 ka bërë denoncimin në polici, pasi djali i saj ishte zhdukur dhe për të nuk kishte asnjë gjurmë. Pas denoncimit, efektivët e policisë kanë nisur hetimet dhe nga kamerat e sigurisë u zbulua se komunikimi i fundit i të miturit ka qenë me Çalamanin, fqinji i tij. Nisur nga kjo, efektivët i kanë shkuar në banesë, ku i riu është parë i shqetësuar, ç'ka ka ngritur dyshimet e Policisë, e për pasojë është shoqëruar në Komisariat.

Gjatë marrjes në pyetje, ai është dorëzuar dhe ka pranuar krimin monstruoz, ku përveç se e kishte vrarë, edhe e kishte groposur në oborrin e shtëpisë. Efektivët janë rikthyer edhe një herë në banesën e të riut dhe aty kanë gjetur trupin e pajetë të 8-vjeçarit të mbuluar me baltë. I mituri është goditur barbarisht 2 herë me lopatë pas koke, goditje këto që kanë rezultuar fatale duke i marrë jetën 8-vjeçarit. Motivet e këtij krimi mbeten ende mister, se çfarë mund ta kenë shtyrë 38-vjeçarin të vrasë një fëmijë vetëm 8-vjeç.

Kush është Klodian Çalamani?
Klodian Çalamani në 2006 është autor i një tjetër pengmarrjeje. Ai së bashku me shokun e tij, Florian Vasiu, 25 vjeç, nga fshati Grecalli kanë marrë peng një vajzë, atëherë 16-vjeçare. Shoku Florian Vasiu pëlqente vajzën, por ajo nuk i përgjigjej kësaj ndenje, pasi ishte e lidhur me dikë tjetër. Pikërisht i dashuri i saj ka ndaluar të rinjtë dhe i kanë thënë që të mos e bezdisnin më vajzën.

Ky veprim i të dashurit të vajzës ka acaruar të Çalamanin dhe Vasiun, të cilët e kanë marrë peng dhe e kanë torturuar për 20 minuta, duke e kërcënuar se do i shëmtonin pjesë të ndryshme të trupit, më konkretisht gjoksin duke ia prerë me biçak.

Nga hetimet e Prokurorisë së Fierit ka rezultuar se për të arritur qëllimin e tyre, Klodiani ka kërcënuar edhe motrën e tij, E. Çalamani, e cila është përdorur për të futur në kurth adoleshenten. Asokohe, dy të rinjtë u dënuan nga Gjykata e Fierit, me nga katër vjet burgim për veprën penale të heqjes së lirisë të kryer në bashkëpunim, bazuar në nenin 110/2 të Kodit Penal. Ai u lirua nga burgu i Rrogozhinës me datë 06.08.2009

Lidhja që kishte fëmija me autorin
Përveç se fqinj me njëri-tjetrin, Report Tv ka mësuar se viktima ishte nipi i shokut të autorit, Florian Vasiu, me të cilin së bashku rrëmbyen vajzën në 2006 dhe e kërcënonin se do e gjymtonin. Kjo shpjegon afrimitetin që kishin viktima dhe autori, në komunikimin e tyre të fundit që u kapën nga kamerat e sigurisë.

M.Q./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Trap jane: 28/11/2021 17:09

    Po zhduken edhe ndonje gjume qe mund te kete mbetur.Duhet te hetohet kush ka prekur vendin e krimit

    Përgjigju
  • Grupi: 26/11/2021 16:23

    Tani do djegin edhe zyrat e komunes pse shtepine e ndonje polici burgjesh qe i con ushqim atij monstres. Cmenduria e kesaj familje pavarsisht dhimbjes duhet te marre fund sepse neser do te jete vone. Policia nuk duhet te jete kaq pasive sepse po nxit vetegjyqesine dhe do behet shkak per perplasje te tjera ne ate zone dhe ne zona te tjera. Sjellja e kesaj familje duhet futur brenda kornizave ligjore ndryshe ajo qe policia toleron sot neser mund te kthehet ne tragjedi me viktima te pafajshme.

    Përgjigju
  • Sondazhi i ditës:

    Kush i fiton zgjedhjet e pjesshme vendore të 6 marsit?



×

Lajmi i fundit

John

Derbi i Kupës Dinamo-Partizani me 200 tifozë, Mehmeti: Meritonim më shumë! Teuta mposht Skënderbeun në një fushë të ngrirë