Halim Kosova ndalesën e rradhës të takimeve elektorale e pati në Zallherr me banorët e kësaj zone ku premtoi mbështetje maksimale pavarësisht përkatësisë partiake.Përveç kësaj kandidati i djathtë Kosova tha se asnjë projekt nuk do të cënojë pronën private por do të jetë shans nëse një projekt do kalojë në banesën e banorëve.

“Nëse e drejta nuk shkon tek i zoti kurrë nuk ka për të gjetur qetësi ky vend.Nëse prona nuk repektohet çfarë kuptimi ka që po shkojmë drej Evropës.Asnjë lloj projekti nuk do cënojë pronën e vet por do të jetë shans për ta që një projekt i rëndësishëm kalon në shtëpitë e tyre”- u shpreh Kosova

Kandidati i djathtë për bashkinë e Tiranës prezantoi programin e tij për këtë zonë ku theksoi gjithashtu se krahas problemeve nën kompetencat e bashkisë ai do të ofrojë edhe mbështetje për probleme të tjera që nuk janë nën kompetencat e këtij institucioni.

Kosova premtoi ngritjen e një rrjeti të ri kanalizimi për 4 fshatra dhe furnizimin 24 orë më ujë sipas parametrave dhe standardeve më cilësore për të gjithë banorët e Bashkisë së madhe të Tiranës.

Redaksia online
(S.M/shqiptarja.com)