'Hamami i grave' ngjitet në skenën e Teatrit të Korçës! Komedia, mesazh të fortë për gratë dhe vajzat e dhunuara

Komedia e Kiço Londos "Hamami i Grave" do të shfaqet për tre net në teatrin e Korçës. Shfaqja ka në fokus gratë e dhunuara dhe përçon mesazhin e forcës e optimizmit. “Hamami i grave” është komedia që u prezantua para publikut korçar në skenën e Teatrit “Andon Zako Çajupi”.

Me regji të Kiço Londos, shfaqja vjen në formën e një himni plot humor për botën shpirtërore të gruas, ku  mesazhi është fuqia e solidariteti i grave në një realitet ku mbizotëron dhuna.

“Kemi gjetur momentin për të thënë disa të vërteta të mëdha që i themi nëpër tavolina, i themi pas dyerve të mbyllura. Ky është qëllimi i artit. Në këtë kohë kur ikim drejt qendrës, ikim jashtë të kthehesh pranë njerëzve të thjesht, të thuash gjëra të mëdha është besoj që është mision i përmbushur mirë nga gocat”, shprehet regjisori Kiço Londo.

Një nga 7 heroinat e komedisë, Esela Pysqyli e quan dramën një shfaqje të guximshme mbi figurën e gruas.

“Duket sikur fjalori është ndonjëherë skandaloz, ajo që ndodh është skandaloze, në fakt është shumë normale. Secila nga femrat, besoj që e ka parë shfaqjen e ka gjetur veten tek një nga femrat që ishte në hamam. Në komedi janë të gjitha llojet e femrave, të gjitha ato çfarë përjetojmë në jetën e përditshme”, thotë aktorja Esela Pysqyli.

Komedia do të shfaqet për tre netë me radhë në teatrin e Korçës.

K.T./AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish-ministri i Shëndetësisë, Ilir Beqaj paraqitet në SPAK

Ish-ministri i Shëndetësisë, Ilir Beqaj paraqitet në SPAK