POP 5

Lajmet më të lexuara të 5 minutave të fundit

Ekonomi

Hamë qepë e patate serbe, prodhimi i Maliqit ‘flaket’ në kanal! Fermerët: Dëmin e kemi nga shteti, duam kompensim

Dhjetëra kuintal me qepë e patate te prodhuara në Maliq po hidhen ne kanal, ndërsa në treg dominojnë produktet e importuara nga Serbia dhe vendet e rajonit. Fermerët fajësojnë Ministren e Bujqësisë e cila nuk e mbajti premtimin për formalimin e tregut dhe mbrojtjen e produktit vendas.

Ministrja e Bujqësisë, Anila Denaj, 5 muaj më parë u premtoi fermerëve të Maliqit formalizimin e tregut, por sërish produktet e tyre bujqësore nuk mundën të dilnin në treg dhe së fundmi ato po mbushin kanalet. 

Fermerët e qepës dhe patates tregojnë se asnjë grumbullues nuk u afrua për te mbledhur prodhimin e tyre. Ndërsa, shkak duket se është bërë konkurenca e produkteve të importit.

“Kam prodhuar 1500 kuintal qepë dhe gjysmën e kam derdhur në kanal se s’ka treg. Vijnë qepët nga jashtë, nga Serbia e vende të tjera. Unë investova 15 mijë euro dhe kam marrë deri tani 4 mijë euro”, tha një fermer.

Fermerët thanë se stoku është më i madh se vitet e kaluara ndaj kërkojnë vlerësim dhe kompensim nga Ministria e Bujqësisë.

“Nuk shitet se vjen malli nga jashtë. Unë bëra 700 kuintal dhe s’kam shitur as 250 kuintal. Ku të shkoj, ku te mbytem! Me këtë punë jetojmë të gjithë si familje dhe me një pension 13 mijë lek në muaj”, tha një fermere e Maliqit.

“Shteti duhet të na dëmshpërblejë se ky dëm na erdhi nga shteti, jo nga natyra (moti). Ne duam dëmshpërblim se ministrja na premtoi se do na mbështesë, por asgjë nuk bëri. Të mblidhet Qeveria se fermeret kanë humbje të mëdha! Unë për vete kam 100 mije euro dëm nga prodhimi i mbetur në stok”, tha një kultivues.

Në bashkinë e Maliqit kultivohen rreth 850 hektarë qepë dhe 800 hektarë patate përkthyer në afro 60 mijë ton prodhim vjetor.

R.D/A.A/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Vrau me armë ukrainasin e pastrehë tre muaj më parë në Itali, shqiptari arrestohet në Slloveni! Mbante dhjetëra identitete të rremë, i skeduar për krime

Vrau me armë ukrainasin e pastrehë tre muaj më parë në Itali, shqiptari arrestohet në Slloveni! Mbante dhjetëra identitete të rremë, i skeduar për krime

10 Janar, 20:43