TIRANË- Dy javë nga fushata elektorale e 11 majit, Instituti Piepoli në bashkëpunim me Report Tv sjell 'projeksionet' e para se si ndahen 37 mandatet për qarkun e Tiranës, fushëbeteja kryesore mes partive politike, por edhe qarkun e Shkodrës, bastionin e së djathtës.
Sondazhi i Piepolit parashikon se PS do mbajë epërsinë në Qarkun e Tiranës, me 47-49% të votave, që i përkthehet në 18 deri në 19 mandate. Kryesocialsiti Edi Rama parashikohet që mund të marrë 1 mandat më shumë krahasuar me zgjedhjet e 2021, kur siguroi 18 mandate në kryeqytet.
Shifrat nuk janë të mira për koalicion e Sali Berishës, që dukshëm kërcënohet nga partitë e reja. Sipas sondazhit të Piepolit, Aleanca për Shqipërinë Madhështore më 11 maj mund të humbë deri në 4 mandate në qarkun e Tiranës. Nga 17 mandate që opozita e bashkuar ka marrë në 2021, më 11 maj koalicioni i Berishës sipas shifrave të Piepolit merr 33.5% deri në 35.5% të votave në këtë qark, që i përkthehet 13 deri në 14 mandate.
Në kryeqytet surpriza mund të konsiderohen Adriatik Lapaj dhe Agron Shehaj, të cilët kalojnë pragun elektoral dhe në qarkun e Tiranës arrijnë të sigurojnë deputetë. Lapaj me koalicionin “Nisma Shqipëria Bëhet” sipas sondazhit të Piepolit merr 7.5% deri në 8.5% të votave, që përkthehet në 2-3 mandate, ndërsa partia “Mundësia” e Shehajt merr 5% deri në 6% të votave, që përkon me 1-2 mandate.
Tom Doshi humb mandatin në Tiranë të siguruar në vitin 2021. Partitë e tjera, si Lëvizja “Bashkë” e Arlind Qorit, apo Koalicioni Euroatlantik i Lulzim Bashës apo koalicioni “Djathtas për Zhvillim” nuk arrijnë të marrin asnjë mandat në këtë qark.
Beteja bëhet edhe më e fortë në Qarkun e Shkodrës, bastion i së djathtës, por që për herë të parë socialistët e thyen në zgjedhjet vendore të 2023, duke vendosur në krye Benet Becin. Në kryeqendrën e veriut, forcë e parë mbetet Sali Berisha me koalicionin e tij, por pozitat e tij kërcënohen. Kjo, pasi sondazhi i Piepolit tregon një rritje të PS dhe në këtë qark Edi Rama merr mbështetje me votë nga 34% deri në 36%, çka përkthehet 3 deri në 5 mandate. Sipas shifrave nuk përjashtohet mundësia që PS të rritet me 2 mandate më shumë në këtë qark, nga 3 që ka fituar në zgjedhjet e 2021.
Koalicioni PD – Aleanca për Shqipërinë Madhështore rezulton me një mbështetje që varion nga 42.5% deri në 44.5% të votave, duke siguruar 4 deri në 6 mandate. Në zgjedhjet e 2021, PD ka siguruar në këtë qark 6 mandate, ndërsa 3 i ka marrë PS dhe 2 të tjera PSD e Tom Doshit. Edhe pozitat e këtij të fundit në këto zgjedhje duket se kërcënohen, pasi shifrat tregojnë se merr 8-9% të votave, që përkthehet deri në 2 mandate. Por në 'lojë' në këtë qark është edhe Adriatik Lapaj që sipas sondazhit të Piepolit mund të marrë 6%-7% të votave, me mundësi për të siguruar deri në 2 mandate.
Mbetet të shihet se si do ndahen 11 mandatet e Qarkut të Shkodrës, por një gjë është e sigurt, që Berishës po rrezikohen pozitat pikërisht në bastionin e tij historik.
Sa i takon punës së qeverisë, 42% e qytetarëve të Tiranës janë të kënaqur, krahasuar me 26% të qytetarëve në Qarkun e Shkodrës. Berisha nga ana tjetër merr shuplakë në bastionin e tij, ku 61% e qytetarëve nuk kanë besim tek opozita e udhëhequr nga ai dhe nga ana tjetër, besim nuk kanë as 64% e qytetarëve të qarkut të Tiranës. As partitë e reja nuk janë frymëzuese, 64% e qytetarëve të qarkut të Tiranës thonë se nuk kanë besim tek partitë e reja, ndërsa 65% e qytetarëve të Shkodrës nuk kanë po ashtu besim.
Sondazhi i pestë i institutit Piepoli, i zhvilluar nga 18-22 prillit tregon se qytetarët e Tiranës i besojnë më shumë Edi Ramës si kandidat për kryeministër (42%), ndërsa Shkodra preferon Sali Berishën (38%).
Beteja e 11 majit duket se do të jetë e fortë në qarkun e Shkodrës, bastionin e së djathtës, por dukshëm pozitat e Sali Berishës po kërcënohen jo vetëm nga PS e Edi Ramës, që është në rritje, por edhe nga Adriatik Lapaj.
Sipas të dhënave të sondazhit të realizuar nga Instituti Piepoli në bashkëpunim me Report TV, koalicioni PD – Aleanca për Shqipërinë Madhështore mbetet forcë e parë, me një mbështetje që varion nga 42.5% deri në 44.5% të votave, duke siguruar 4 deri në 6 mandate. Në total, PD ka marrë në 2021 në këtë qark 6 mandate, por këto zgjedhje nuk përjashtohen surprizat.
PSD e Tom Doshit mund të marrë deri në 2 mandate, aq sa ka siguruar në 2021. Por, kësaj radhe në garë është futur edhe Adriatik Lapaj i cili edhe në këtë qark duket se është konkurrues dhe sipas sondazhit të Piepolit mund të marrë 6%-7% të votave, me mundësi për të siguruar deri në 2 mandate.
Kryeqendra e veriut, prodhon në total 11 mandate dhe beteja duket se do jetë e fortë më 11 maj, kur pozitat e demokratëve po kërcënohen pikërisht në bastionin e tyre.
Ndërsa kanë kaluar 2 javë nga fushata elektorale, sondazhi i Piepolit në bashkëpunim me Report Tv, ‘mat’ pulsin e votuesve në qarkun e Tiranës, fushëbetejën e partive për zgjedhjet e 11 majit. Kryeqyteti prodhon në këto zgjedhje plot 37 mandate, por si do të ndaheshin?
Të dhënat e sondazhit të Piepolit tregojnë se Partia Socialiste e Edi Ramës vijon të mbajë epërsinë në Qarkun e Tiranës, me 47-49% të votave, që i përkthehet në 18 deri në 19 mandate. PS në zgjedhjet e 2021 ka marrë 18 mandate dhe sipas projeksionit të Piepolit, Rama në këtë qark mund të shkojë deri në 19 mandate, pra një më shumë se në 2021.
Koalicioni PD-Aleanca për Shqipërinë Madhështore (ASHM), i udhëhequr nga Sali Berisha, renditet i dyti, me 33.5% deri në 35.5% të votave në qarkun e Tiranës, që i përkthehet 13 deri në 14 mandate. Krahasuar me zgjedhjet e vitit 2021, ky koalicion humbet terren në Tiranë. Nga 17 mandate që opozita e bashkuar ka marrë në 2021, koalicioni i Sali Berishës pritet të humbasë të paktën 3 ose 4 mandate.
Surpriza mund të konsiderohen dy forca të reja politike që sipas sondazhit të Piepolit pritet të kalojnë pragun elektoral dhe në qarkun e Tiranës të marrin mandate.
Përkatësisht Koalicioni “Nisma Shqipëria Bëhet” i Adriatik Lapajt merr 7.5% deri në 8.5% të votave, që përkthehet në 2-3 mandate, ndërsa partia “Mundësia” e Agron Shehajt merr me 5% deri në 6% të votave, që përkon me 1-2 mandate.
Tom Doshi humb mandatin në Tiranë të siguruar në vitin 2021.
Partitë e tjera, si Lëvizja “Bashkë” (Arlind Qori), Koalicioni Euroatlantik (Lulzim Basha) apo koalicioni djathtas për zhvillim nuk arrijnë të marrin asnjë mandat në këtë qark.
Sipas sondazhit të Piepolit, qytetarët e qarkut të Tiranës kanë më shumë besim te Edi Rama si kandidat për kryeministër.
42% e të anketuarve kanë deklaruar se Rama iu jep më shumë besim si kandidat për kryeministër, ndërkohë 34% kanë besim tek Sali Berisha si kandidat për kryeministër.
Shifrat ‘përmbysen’ në Shkodër, ku 38% e të anketuarve thonë se kanë besim tek Berisha si kandidat për kryeministër, ndërkohë që 27% kanë besim te Edi Rama.
Sipas sondazhit të Piepolit të realizuar në bashkëpunim me Report TV, qytetarët e qarkut të Shkodrës duket janë mjaft të vendosur për mënyrën se si do të votojnë në zgjedhjet e 11 majit.
88% e tyre shprehen se do të votojnë edhe për partinë edhe për një kandidat nga lista e hapur, ndërsa vetëm 8% do të votojnë vetëm për partinë. 4% nuk kanë vendosur ende.
Sipas sondazhit më të fundit të realizuar nga Instituti Piepoli në bashkëpunim me Report TV, 50% e qytetarëve të qarkut të Tiranës deklarojnë se në zgjedhjet e 11 majit do të votojnë vetëm për partinë, pa përzgjedhur një kandidat nga lista e hapur.
Ndërkohë, 38% shprehen se do të votojnë për partinë, por edhe për një kandidat të listës së hapur.
12% e të anketuarve thonë se nuk e kanë vendosur ende se si do të votojnë.
Qytetarët e qarkut të Tiranës dhe të Shkodrës vlerësojnë mitingun hapës të PS dhe Aleancës për Shqipërinë Madhështore.
Të dhënat e sondazhit të Piepolit në bashkëpunim me Report Tv tregojnë se 42% e qytetarëve të qarkut të Tiranës pëlqejnë hapjen e fushatës së PS, 33% pëlqejnë hapjen e fushatës së koalicionit të Berishës dhe 25% e qytetarëve të qarkut të Tiranës fushatën e asnjërës prej tyre.
Sa i takon qarkut të Shkodrës, 28% e qytetarëve pëlqejnë hapjen e fushatës së PS, 39% pëlqejnë hapjen e fushatës së koalicionit të Berishës dhe 33% asnjërën prej tyre.
65% e qytetarëve të qarkut Shkodër nuk kanë kanë besim tek partitë e reja të opozitës.
Të dhënat e sondazhit të Piepolit në bashkëpunim me Report Tv, tregojnë se 23% e të anketuarve deklarojnë se kanë besim tek këto parti, një nivel më të lartë se sa në Tiranë.
Konkretisht 28% thonë se kanë shumë besim, 2% mjaft. 5% i konsiderojnë partitë e reja “pak të besueshme”.
Në qarkun më të madh të vendit, Tirana, partitë e reja të opozitës përballen me një mungesë besimi të thellë nga qytetarët.
Sipas sondazhit të fundit të Institutit Piepoli në bashkëpunim me Report Tv, 64% e të anketuarve thonë se nuk kanë aspak besim tek partitë e reja opozitare, ndërsa prej 2 javësh janë në fushatë.
Vetëm 5% e qytetarëve të qarkut të Tiranës shprehen se kanë shumë besim, ndërsa 15% thonë se kanë mjaft besim.
Në total 20% e të anketuarve në qarkun e Tiranës kanë besim tek partitë e reja. Ndërkohë, 9% i konsiderojnë pak të besueshme këto parti, dhe 7% e të anketuarve thonë nuk “di të gjykoj”.
Tirana është qarku që prodhon numrin më të madh të mandate në këto zgjedhje, 37 mandate.
Qytetarët shkodranë ‘ndëshkojnë’ Sali Berishën.
Ndonëse Shkodra është një qark tradicionalisht i djathtë, rreth 61% e qytetarëve shprehen se nuk e konsiderojnë aspak të besueshme opozitën nën drejtimin e Sali Berishës.
Nga të dhënat e publikuara nga sondazhi i Piepolit në bashkëpunim me Report Tv, 2 javë nga fushata elektorale, tregojnë se vetëm 29% e qytetarëve shkodranë e konsiderojnë “shumë të besueshme” opozitën e udhëhequr nga Sali Berisha dhe 10% “mjaft të besueshme”.
Shifrat për opozitën nën drejtimin e Sali Berishës nuk janë aspak në favor, kur kanë kaluar 2 javë nga fushata elektorale e 11 majit.
Sondazhi i Piepolit në bashkëpunim me Report Tv tregon se për 64% të qytetarëve të qarkut të Tiranës, opozita e udhëhequr nga Sali Berisha është aspak e besueshme.
Në qarkun e Tiranës, vetëm 16% e qytetarëve e konsiderojnë opozitën shumë të besueshme dhe 18% mjaft të besueshme dhe 2% e konsiderojnë "pak të besueshme".
Në ndryshim nga Tirana ku kemi një përqindje më të lartë të qytetarëve të kënaqur me punën e qeverisë Rama (42%), në Shkodër shohim një panoramë tjetër.
Të dhënat e sondazhit të Piepolit në bashkëpunim me Report Tv tregojnë se 26% e qytetarëve të anketuar shprehen se janë të kënaqur nga qeveria.
Konkretisht 14% që janë “shumë të kënaqur” dhe 12% “mjaft të kënaqur”. 69% janë “shumë të zhgënjyer” dhe 5% “mjaft të zhgënjyer”.
Shkodra njihet si bastion i djathtë, por kujtojmë që për herë të parë socialistët morën fitore në këtë qark, në zgjedhjet parlamentare të 2023.
Report Tv në bashkëpunim me institutin Piepoli sjellin sondazhin e radhës, kur kanë kaluar 2 javë nga fushata elektorale e zgjedhjeve parlamentare të 11 majit.
Sondazhi ka analizuar dy prej qarqeve më të rëndësishme të zgjedhjeve, Tiranën që këtë vit nxjerr plot 37 mandate, dhe Shkodrën.
Si e vlerësojnë qytetarët e Tiranës punën e qeverisë Rama? Sipas të dhënave të sondazhit të Piepolit, në Tiranë niveli i kënaqësisë ndaj qeverisë Rama arrin në 42%.
Prej tyre, 22% janë “shumë të kënaqur”, ndërsa 20% janë “mjaft të kënaqur”. Nga ana tjetër, 40% e qytetarëve shprehen se janë “shumë të zhgënjyer” dhe 18% “mjaft të zhgënjyer”.
Komente
Lajme të tjera
-
Zgjedhjet e 11 majit/ KSHZ miraton tabelat përmbledhëse të rezultateve për qarqet Shkodër, Dibër, Korçë dhe Berat
22 Maj, 18:17 -
Bamir Topi në Report TV: PD funksionon si inkuizitor politik, eliminon figurat! Berisha dhe Rama janë njerëzit më të pushtetshëm aktualisht! Vendi s’ka opozitë
22 Maj, 18:06 -
11 maji/ PD dhe aleatët me 50 deputetë, vetëm 14 emra të rinj në Kuvend! Mes ‘risive’ Gjin Gjoni dhe Arjan Ndoja, kush janë 12 të tjerët
22 Maj, 15:49
-
Berisha dorëzohet për 'trenin bullgar': S’kam prova për SPAK! (Asnjë fjalë për vëllanë e truprojës së tij në kërkim)
22 Maj, 15:28 -
Gjenerata e re e PS! Nga u 'rekrutuan' 53 deputetët që ulen për herë të parë në Kuvend! 'Mozaiku' i profesioneve
22 Maj, 15:12
-
Disfata elektorale/ Flutura Açka për Report Tv: Berisha duhej të jepte dorëheqjen! Nëse s’ka reflektim, PD do kthehet në parti familjare
22 Maj, 14:46 -
Çollaku për Report Tv: Zgjedhjet një farsë e përsëritur, PD duhet të bëjë analizë të thellë dhe të mbajë përgjegjësi
22 Maj, 13:55 -
Eduard Zaloshnja: Gropa Madhështore në Tiranë, ogur jo i mirë për zgjedhjet bashkiake të radhës…
22 Maj, 13:32
-
Dardan Malaj: Refleksione mbi votën e 11 Majit
22 Maj, 13:09
-
Namir Lapardhaja: Për paranojën 'SPAK-u i partisë'
22 Maj, 13:06
-
Sulme kibernetike sistemeve të KQZ gjatë zgjedhjeve, Celibashi: Të organizuara nga jashtë, zero implikim, i zmbrapsëm! Pretendimet e PD për diasporën? S’ka vota të trafikuara
22 Maj, 12:46 -
Gonxhja më i votuari në Tiranë: S’ka lidhje me Bashkinë, por përgjegjësia është e madhe
22 Maj, 11:51
