Hamilton fiton dhe vendos rekord në Angli, Vettel aksidenton Versttappen

Lewis Hamilton ia ka dalë të triumfoi këtë fundjavë në Çmimin e Madh të Britanisë. Në garën e zhvilluar në shtëpinë e anglezit, ekzaktësisht në pistën e Silverstone, Hamilton preu i pari vijën e finishit, duke rritur akoma më shumë distancën me shokun e skuadrës Bottas, i cili pavarësisht se u nis nga “pole position” e mbylli në vendin e dytë.

Në podium me dyshen e Mercedes u ngjit piloti i Ferrarit Charles Leclerc, i cili përtfitoi nga përplasja e shokut të skuadrës Vettel me pilotin e Red Bull Max Versttappen. Në xhiron e 38, Vettel nuk frenoi si duhet në fundin e një kthese, duke prekur me hundë Verstappen.Si pasojë e aksidentit Vettel u ndëshkua me 10 sekonda dhe në fund e mbylli garën në vendin  e 16, ndërsa Versttappen, fituesi i garës së fundit në Austri, u pozicjonua në vendin e 5.

Një detaj tjetër për t’u veçaura nga Çmimi i Madh i Anglis është se Hamilton triumfoi sot për herë të 10, më shumë se askush tjetër.

Ne.k./Shqiptarja.com
Komento