Hanes Swoboda: Kushti
parësor zgjedhjet e lira

TIRANE - Pas miratimit të tre ligjeve, tashmë zgjedhjet janë në krye të kushteve që Shqipëria duhet të plotësojë për vazhdimin e hapave të tjerë integrues. Kryetari i grupit social-demokrat në PE, Hanes Swoboda, ndërsa deklaron rëndësinë e zgjedhjeve si kusht për integrimin, thotë se nuk është një sinjal i mirë që KQZ është e paplotësuar.

“Ky ishte një nga kushtet që u përmbush tashmë. Por, mendoj se kushti parësor është sigurisht që ne duam të kemi më në fund zgjedhje të lira, të ndershme e korrekte në Shqipëri. Ky është parakusht, sepse ne kemi vëzhguar prej disa vitesh zgjedhjet e Shqipërisë e në të kaluarën gjithnjë ka pasur probleme, ndaj le të shpresojmë se këtë radhë nuk do të ketë”, tha ai.
 
STANO: “OK” PËR TRE LIGJET, KUJDES ME ZGJEDHJET

Komisioni Europian ka mirëpritur miratimin me konsensus nga Kuvendi të tre ligjeve në fushën e gjyqësorit dhe administratës publike si dhe reformën e procedurës parlamentare. Ishte ky reagimi i zëdhënësit të komisionerit europian të zgjerimit Stefan Fule, Peter Stano. “Presim që këto ligje të hyjnë në fuqi

Ky vendim është një hap i rëndësishëm përpara për integrimin e Shqipërisë në BE për të mirën e qytetarëve”, tha zëdhënësi Stano. Sipas tij, miratimi i këtyre tre ligjeve bashkë me masat e mëtejshme për të luftuar krimin e organizuar dhe korrupsionin, janë jetike për një vendim të ardhshëm të Këshillit të BE për dhënien e statusit të vendit kandidat për Shqipërinë.

Shkrimi u botua sot në gazetën Shqiptarja.com (print) 01.06.2013
 
Redaksia Online
(b.m/shqiptarja.com)

TAG:
• kqz