Pas rikonstrukturimit, ka hapur dyert Spitali i ri infektiv në ambientet e QSUT. Pas inspektimit me ministren e Shëndetësisë Ogerta Manastirliu, kryeministri Edi Rama e cilësoi stafin mjekësor si krenaria e mjekësisë shqiptare pasi spitali në kohën e pandemisë iu dedikua pacientëve me Covid dhe mjekët ia dolën të përballonin fluksin.
Rama u shpreh se ka edhe hallka të tjera që kanë nevojë për transformim. Kryeministri Edi Rama tha se brenda mandatit, rritja e pagës të shkojë në 100% që nga viti 2013, ndërsa premtoi mbrojtjen e qytetarëve e bizneseve të vogla nga rritja e çmimit të energjisë elektrike.
“Ambicia jonë është që brenda këtij mandati ta çojmë në 100% rritjen e pagës në raport me pikënisjen. Me buxhetin e ri shkojmë në 70%, me ndihmën e Zotit që mos të na sjellë ndonjë tjetër katastrofë që të na detyrojë përsëri që të spostojmë fonde të dedikuara për qëllime të caktuara”, tha Rama.
Kreu i qeverisë shtoi se duhet ndërhyrë me urgjencë edhe në pjesën e universitetit si dhe me Spitalin e ri të Sëmundjeve të Brendshme që do të përfundojë në fillim të vitit të ardhshëm, me Psikiatrinë e re dhe me Spitalin Pediatrik apo Kardio-Kirurgjinë si dhe në rrethe kantieret nga Kukësi e Dibra, Lezha e Gjirokastra. Po ashtu vuri theksin te autonomia spitalore që do të ndikojë në rritjen e mëtejshme të pagave të mjekëve sipas performancës, në mënyrë që kush punon më shumë dhe kush ofron më shumë në dispozicion të shërbimit kombëtar shëndetësor të fitojë edhe më shumë sesa paga tavan.
Nga QSUT, një premtim, kryeministri e dha edhe për mburojën e faturave të energjisë elektrike.
"Po e përballojmë çmimin e energjisë, që të mos ndjejmë asnjë qindarkë rritje në faturë. Do vazhdojmë të mbajmë të njëjtën mburojë. Do përpiqemi ta zbusim efektin e luftës të inflacionit", tha Rama.
Spitali i ri Infektiv ka një kapacitet të ri prej 130 shtretërish dhe trefishim të ambienteve të reanimacionit. Spitali Infektiv është transformuar në një qendër reference kombëtare ekselence për sëmundjet infektive, me kushtet dhe standardet më të larta ndërkombëtare, për t’iu përgjigjur me përkushtim e profesionalizëm të lartë çdo emergjence të shëndetit publik. Po ashtu do të jetë i pajisur edhe me auditor dhe salla leksioni për studentët e mjekësisë.
Rindërtimi i Spitalit Infektiv vjen në kuadër të planit të qeverisë për përballimin e emergjencave shëndetësore, me fuqizimin e kapaciteteve në sistemin spitalor dhe Planin e Masave për përgjigjien ndaj pandemisë Covid-19. Investimi me vlerë prej 5.6 milion euro konsistoi në rikonstruksionin dhe zgjerimin e kapaciteteve të Spitalit Infektiv.
Në shenjë mirënjohje, kryeministri Edi Rama i ka dhuruar një buqetë me trëndafila të kuq shefes së spitalit Infektiv, Najada Çomo gjatë inaugurimit të ambienteve të rikonstrukturuara.
“Jo për të personalisht por për të gjithë skuadrën dhe mirënjohje të gjithëve”, tha Rama ndërsa mjeku Pëllumb Pipero po e filmonte.
Në përfundim të fjalës së tij në spitalin e ri Infektiv, kryeministri Edi Rama falënderoi të gjithë ata që po e dëgjonin në këmbë dhe nuk kurseu një batutë.
“Mirë që ju qëllon dhe nuk keni ku ikni kur ju dal në frigoferifer dhe televizor po jeni ulur të paktën, por edhe këtu duhet të më dëgjoni në këmbë, e marr me mend që s’duhet të jetë fort e lehtë. Faleminderit dhe jua paça borxh”, tha Rama.
Kryeministri Edi Rama ka premtuar se paga e stafit mjekësor që punon në spitalin Infektiv do të ketë sërish rritje nëse Shqipëria nuk përballet me ndonjë krizë apo katastrofë tjetër.
“Me ndihmën e Zotit që mos na sjelltë ndonjë tjetër katastrofë, jam i bindur që ta cojmë në 100% rritjen e pagës për të gjithë ju që shërbeni në këtë kompleks. Investimet do të vijojnë dhe në territore të tjera nga Dibra në Gjirokastër, nga Lezha dhe më tutje në zona të tjera për ta përmbyllur mozaikun e infrastrukturës së shëndetësisë dhe për ta transformuar. Ne e dimë që kjo nuk mjafton. Duhet të ecim me autonominë spitalore për të bërë rritjen e mëtejshme të pagave të mjekëve sipas performancës që kush punon më shumë, të fitojë dhe më shumë se paga tavan”, tha Rama.
Komente
Lajme të tjera
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09
Ky ështé Edvin shkjau shqipfolës më i zi se vet Vucici në serbi, identik shkja fashist me krya në ballë …!
Përgjigju