Jo vetëm gjatë ditës, nga sot Kapshtica dhe Kakavija në punë 24 orë, ja kriteret për kalimin

Pas kaq shumë kohësh nën kufizimet anti-COVID dhe funksionimit me orare të reduktuara, udhëtarët shqiptarë do të mund të vizitojnë vendin fqinj, Greqinë, në çdo kohë pasi pikat kufitare të Kakavijës dhe Kapshticës do të punojnë përgjatë 24 orët e ditës.

Lajmin e mirë e ka bërë me dije Ministria për Evropën dhe Punët e Jashtme të Shqipërisë, e cila specifikon se ky rregull i ri hynë në fuqi prej ditës së sotme dhe në vazhdim.

Për sa i përket pikës kufitare Qafbotë, deri më datë 7 korrik, do të funksionojë po njësojë, nga ora 08:00 deri 16:00, me limit në hyrje 250 persona.

Qytetarët shqiptarë të cilët dëshirojnë të kalojnë kufirin duhet të jenë të pajisur me një test negativ, të kryer jo më shumë se 72 orë më parë, si dhe të kenë plotësuar formularin PLF.

Njoftimi i plotë:

Ministria për Evropën dhe Punët e Jashtme njofton se nga data 1️⃣ korrik do të funksionojnë gjatë 24 orëve Pikat Kufitare të Kakavisë dhe Kapshticës, për të gjitha kategoritë e udhëtarëve.

Ndërsa Pika Kufitare Qafbotë, deri më datë 7️⃣ korrik 2021 do të funksionojë në të njëjtën mënyrë si funksionon sot: nga ora 08:00 deri 16:00, me limit në hyrje 250 persona.

Vazhdon të kërkohet:

✅PLF

✅PCR, Rapid test, çertifikatë vaksinimi ose vërtetim që qytetari është diagnostikuar me Covid-19 (2-9 muajt e fundit).

Informojmë se numri i lejuar për çdo Pikë Kufitare është si më poshtë

J.GJ./Shqiptarja.com

TAG:
• greqi
• kapshtice
• kakavije
• dogana e kapshtices
• Koronavirus