POP 5

Lajmet më të lexuara të 5 minutave të fundit

Kultura

Hapet galeria e arteve digjitale në Korçë, e parë në vend! Rama: Një eksperiencë e pazakontë në këto ditë festash! Filo: Ndërthur kulturën e teknologjinë

Ekspozita “Ikonografia Shqiptare- Mjeshtrit e Mëdhenj”, është e vetmja galeri virtuale e hapur në vend, në qytetin e Korcës. Kryeministri Edi Rama ndau pamje nga shfaqja e Artit Mesjetar përmes teknologjisë në Galerinë e Arteve Digjitale duke e konsideruar një eksperiencë e pazakontë në këto festa.

Një ekspozitë e veçantë e quajtur “Ikonografia Shqiptare-Mjeshtrit e Mëdhenj”, u hap këto ditë festash në Galeria e Arteve Digjitale në Korçë, e vetmja e këtij lloji në vend që sjell një model unik të paraqitjes se artit. Për kryetarin e bashkisë Korcë, Sotiraq Filo kjo galeri ndërthur kulturën dhe teknologjinë së bashku.  

“Vetë kjo galeri dhe mënyra sesi është konceptuar do t’i ketë brenda të dyja këto elementë, pra ka edhe elementët e artit dhe të teknologjisë. Para pak muajsh në të parën sallë të projeksionit 360 gradë në Shqipëri, tashmë po e vëmë në punë këtë investim duke krijuar mundësinë që në këtë ambient të kemi ekspozita të ndryshme, shfaqje të ndryshme”, u shpreh Sotiraq Filo, kreu i Bashkisë Korçë.

Drejtori i “Galeria e Arteve Digjitale” thotë se galeritë virtuale janë qendra të inovacionit dhe teknologjisë në shumë vende të botës, ndërsa Korça është e para në rajon që ka ngritur një qendër të tillë. 

“Është një eksperiencë shumë e bukur që ndërthuret me inovacionin, me teknologjinë dhe risjellë shumë herë veprat e artistëve klasikë apo modernë, duke i sjellë në një formë totalisht inovative”, u shpreh Arbër Malilaj, Drejtor  i “Galeria e Arteve Digjitale”.

Edhe kryeministri Rama publikoi  pamje nga haoja e kësaj  ekspozte  në galerinë e Arteve Digjitale në Korçë duke e konsideruar një eksperiencë të pazakontë në këto festa.

Ekspozita e parë e artit digjital “Ikonografia Shqiptare; Mjeshtrat e mëdhenj”, e hapur në 23 dhjetor, do të presë vizitorët çdo ditë nga ora 12:00-20:00.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 25/12/2023 03:55

    Ne nje dokumentar qe kam pare para ca kohesh per AI,ne nje muze te NY ndodhet nje pikture krijuar nga nje artist,ose me sakte nga AI qe eshte vene ne zbatim prej tij.Piktura eshte abstrakte,perdor metoden dixhitale,eshte shume e madhe per nga permasat dhe eshte pikture e levizshme si film por qe krijon vete vazhdimisht imazhe te reja unike abstrakte ne ndryshim e ne levizje,asnjehere nuk riperserit te njejtin imazh.Me beri shume pershtypje kur e pashe dhe eshte e vetmja ne bote per nga lloji.

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Pse na dhembin këmbët? Si t’i kurojmë natyralisht dhe kur duhet të shqetësohemi

Pse na dhembin këmbët? Si t’i kurojmë natyralisht dhe kur duhet të shqetësohemi

27 Janar, 16:16