POP 5

Lajmet më të lexuara të 5 minutave të fundit

Sociale

Hapet rruga drejt procesit të lumnimit të At Anton Harapit, kisha do dorëzojë dokumentet origjinale në Vatikan! Frati françeskan pritet të shpallet martiri 39 i Shqipërisë

At Anton Harapi, një nga figurat me të rëndësishme të Kishës Katolike së shpejti do t’i shtohet listës së 38 martireve, të cilët dhanë jetën për fe e atdhe. Me dekretin e publikuar sot, Kisha Katolike njoftoi se ka nisur puna për përgatitjen e dosjes së lumnimit të At Anton Harapit e cila do të dorëzohet në Vatikan.

Më në fund, vendimi për të nisur procesin që do të çojë drejt lumnimit At Anton Harapin njohu një hap konkret.  Arqipeshkvi i Shkodrës, Angelo Massafra bëri të ditur se ka nisur puna për përgatitjen e dosjes që do të dorëzohet në Vatikan.

“Konferenca Ipeshkvnore Shqiptare vendosi që të fillohet mbledhja e dokumenteve dhe dëshmive të shkruara në lidhje me jetën dhe ngjarjet historike dhe vdekjen e At Anton Harapit”,- tha Dom Mark Pashkja, zëdhënës i dioqezës.

Pse sot është pyetje që mund të bëni. T’i japim një hov për të mbledhur dokumentet sepse mesazh ka qenë i martirizuar, i pushkatuar apo jo i pushkatuar. Ka qenë sipas tyre i mirë i shenjtë para se të vdesin dëshmitarët, sepse është gjynah të humbim këtë pasuri”,- tha Arqipeshkvi i Shkodrës, Angelo Massafra.

Një pyetje që kanë bërë komisioni historik dhe i teologëve: Është vrarë për urrejtje ndaj fesë apo për arsye politike? Ky ishte argumenti kryesor, ndaj them ne grumbullojmë materialet, pastaj shpresojmë që të fillohet”,- shtoi ai.

Procesi konsiderohet i vonuar, pasi At Anton Harapi nuk u përfshi në 2016 në listën e 38 martirëve të lumnuar nga Papa Franskesku.

Kjo për shkak se ai nuk ka qenë vetëm prif, teolog e prozator por dhe veprimtar me angazhim politik.Kujtojmë se At Anton Harapi ishte një nga katër regjentët në qeverinë e krijuar gjatë pushtimit nazist të Shqipërisë, gjë që iu konsiderua si “mëkat” i pafalshëm nga komunistët, të cilët e pushkatuan në vitin 1946, në periferi të Tiranës.

Për këtë arsye, në 2016-ën, Komisioni i Rishqyrtimit të Aktit të Martirizimit kërkoi dokumente autentike të arkivave. Ndaj tashmë kisha katolike duhet të dorëzojë në Vatikan dëshmi dhe dokumentet autentike mbi jetën, veprën e françeskanit me ndikim të jashtëzakonshëm në vitet ‘40. Po kështu At Anton Harapi është autor i disa librave, si “Andrra e Pretashit”, “Valë mbi valë”, Naltimi i Ndergjegjjes Kombetare.

K.M/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 29/12/2023 01:09

    Kur te dorezoni dokumentet,mos harroni te permblidhni dhe ate foto/videon e famshme, ku bisedon gjithe buzeqeshje me gjeneralet naziste gjate pritjes ne Pallatin mbreteror,eshte material martirizimi e lumnimi! Per komunistet ishte mekat te ishe regjent ne nje qeveri kukull me kolaboracioniste te pushtuesve nazi-fashisteve,te shohim nese dhe Vatikani ndan te njejtin opinion!

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Vlorë/ Kërcënohen me thikë disa nxënës që po luanin në Lungomare, autori me probleme të shëndetit mendor

Vlorë/ Kërcënohen me thikë disa nxënës që po luanin në Lungomare, autori me probleme të shëndetit mendor

27 Prill, 23:01