Hapja e negociatave, Rama: Barra më e madhe e detyrimeve bie mbi qeverinë time, por ne na takon të jemi zgjidhja jo problemi

Kryeministri Edi Rama në fjalën e tij para kryeministrisë tha se barra më e madhe për anëtarësimin në BE, i takon qeverisë, ndërsa shtoi se ato duhet të jenë zgjidhja dhe jo problemi

“Thënë të gjitha këto më lejoni ta mbyll se jam shumë i vetëdijshëm që flamuri që do të ngremë solemnisht, barrën e vendos mbi qeverinë që unë drejtoj, të gjithë kanë kusuret dhe të metat e tyre, prandaj edhe më shumë se të gjithë të tjerët ne mund të jemi edhe problemi edhe zgjidhja. Na takon ne të jemi zgjidhja, pa harruar asnjë ditë se jemi ne që mbetemi problemi.

Shqipëria bëhet, ne shqiptarët e sotëm duhet dhe mund ta bëjmë Shqipërinë. Kjo kohë që na ra për hise mbi dheun tonë na dha një mundësi të artë që të tjerët nuk e patën, rrugëtimin në Bashkimin Evropian. I cili është një rrugëtim drejt lirisë dhe jo robërisë, drejt paqes jo drejt luftës.

LEXO EDHE:
BE dhe SHBA i kërkojnë Serbisë të distancohet nga Rusia, pas vizitës së zëvendësit të Lavrovit

Ky është rrugëtimi i parë i historisë tonë që të bëjmë shtetin e parë që meritojnë fëmijët tanë. I falenderoj sot të gjithë Shqiptarët që me besimin e tyre më bënë një pjesë kaq të rëndësishme të këtij udhëtimi. Ju kërkoj ndjesë për gabimet e mia, pasi asnjë prej tyre nuk është një gabim për të përfituar në kurriz të të tjerëve”, tha Rama.

Lajmi kryesor:

Ngrihet flamuri i BE-së te kryeministria, Rama: Sot kalojmë në një tjetër nivel! Do doja të ishte dhe opozita, por janë në një hendek që bie ndesh me frymën e BE

M.Q./r.k./Shqiptarja.com

TAG:
• Celen negociatat 19 korrik
• BE
• edi rama